اسلام آباد۔ 09 اکتوبر (اے پی پی)وزیراعظم شاہد خاقان عباسی آکھیا جو فوجی اتے بئی لوڑھ سانگے پاکستان دا امریکہ تے انحصار باقی کائنی رہیا،اگر لوڑھ پئی تاں بئے ذرائع ابلاغ کوں بروئے کار لاتا ونجے۔عرب نیوز کوں آپنڑے ہک انٹرویو ہک انہاں آکھیا جو اگر ہک ذریعہ ختم تھی ویندے تاں اساں ڈے ڈوجھے ذرےعے نال رابطہ کرنڑ توں انج کوئی چارہ کائنی ،ایں سانگے ودھ لاگت اتے ودھ وسائل درکار تھی سگدن جڈانجو اساں دہشت گردی دے خلاف جنگ جاری رکھنڑی اے اتے ایہو گالھ اے جو اساں ہر ملاقات اچ زور ڈیندوں۔وزیراعظم آکھیا جو ملکی نظام تے لاتی گئی کہیں وی قسم دی پابندیاں یا رکاوٹاں نہ صرف دہشت گردی دے خلاف جنگ اچ کاوشاں کوں کمزور کریسن جڈانجو ایں نال خطہ دا توازن وی متاثر تھیسی۔انہاں آکھیا جو اساڈی فوج ڈے ہتھیار دا وڈا امریکی نظام اے جڈانجو اساں اینکوں متنوع قرارڈتے اتے اساں ڈے چینی اتے یورپی نظام موجود اے،اجوکے ای اساں پہلی واری روسی لڑاکا ہیلی کاپتر وی نظام اچ رلائے ۔وزیراعظم آکھیا جو حکومت سانگے اے ہک پیچیدہ کم ہئی جئیں اچ دہشت گردی ،توانائی دی گھٹکی اتے معاشی تے علاقائی عدم استحکام جیہے مقامی اتے بین الاقوامی چیلنجز دا سامنڑاں ہئی۔انہاں آکھیا جو 20کروڑ70لکھ توں ودھ آبادی دے ملک تے حکومت کرنڑ سوکھی گالھ کائنی۔
وزیراعظم شاہد خاقان عباسی داعرب نیوز کوں انٹرویو
مضمون کا ماخذ : اسکریچ کارڈز خریدیں
متعلقہ مضامین
