اسلام آباد ۔ 27 مارچ(اے پی پی)بدھ کوں اسلام آباد پالیسی ریسرچ انسٹی ٹیوٹ (آئی پی آر آئی ) دے اہتمام نال ”ہائبرڈ وار فیئر اینڈ پاکستان ریڈی نیس“ دے موضوع تے ہک ڈینھ دی میڈیا ورکشاپ نال خطاب کریندے ہوئیں وفاقی وزیر اطلاعات و نشریات چوہدری فواد حسین آکھیے جو پاکستان کیتے پلوامہ او پہلا ٹیسٹ کیس ہئی جیں اچ بھارت کوں ”آﺅٹ کلاس” کر ڈتے ، حکومت اتے پاک فوج دی حکمت عملی پاروں پہلی واری بھارت جگ اچ کلھا تھی گے ، وزیراعظم عمران خان شروع توں ہی امن دی گال تے زور ڈیندے رہیے ، پوری دنیا اے منگ ھدے جو پاکستان دا بیانیہ درست تے بھارت دا بیانیہ غلط اے ، پہلے ادوار اچ وزارت اطلاعات و نشریات حکمران جماعت دی ترجمان ہئی، پہلی واری وزارت اطلاعات و نشریات کوں” سٹیٹ ٹول “بنڑاونڑ دے ایجنڈے تے عمل کریندا پئے ، پاکستان کوں ”سکیورٹی سٹیٹ“دی بجائے دنیا کیتے ” اوپن سٹیٹ “بنڑا ڈتے ، ویزہ رجیم پورے طور تے تبدیل غیر ملکی سیاحواں کیتے این او سی دی شرط وی ختم کر ڈتی گئی ۔اجوکے سال ریاستی میڈیا اچ اصلاھات دا عمل پورا کر گھدا ویسی ، ہائبرڈ وار فیئر جدید دور دے پروپیگنڈے د?? ناں اے ، بین الاقوامی میڈیا کوں اسلام آباد واپس گھن آونڑ کیتے اقدامات کریندے پیوں، غیر ملکی میڈیا کوں پوریاں سہولتاں ڈتیاں ویسن ۔تقریب توں خطاب کریندے ہوئیں وفاقی وزیر اطلاعات آکھیے جو پوری دنیا دے میڈیا اچ جدید ٹیکنالوجی دا استعمال ودھدا پئے ، میڈیا ٹیکنالوجی اچ ہائبرڈ وار فیئر جدید پراپیگنڈے د?? ناں اے ،جدید دور دیاں جنگاں وی میڈیا دے ذریعے لڑیاں ویندیاں پن ۔انہاں آکھیے جو دنیا اچ ایں وقت ہائبرڈ وار فیئر دے ڈو جزوآئیڈیاز اتے پریزنٹیشن ہن ،آئیڈیاز چنگے نہ ہوون لی??ن پریزینٹیشن چنگی ہووے تاں ہدف حاصل کیتے ونج سگدن ۔انہاں آکھیے جو پاکستان گذر??ل کئی سال توں دہشت گردی دے خلاف جنگ لڑدا پئے لی??ن بین الاقوامی سطح تے کوئی ایجھی کتاب کائنی چھپی جیرھی جو اساڈے بیانے کوں پیش کریندی ہووے ۔انہاں آکھیے جو بیانے کوں پرے تئیں پجاونڑ کیتے میڈیا دا سہارا گھدا ویندے ۔ چوہدری فواد حسین آکھیے جو پاکستان کوں عالمی میڈیا کیتے اپنڑے د??وازے کھولنڑ دی ضرورت اے چاہندوں جو عالمی میڈیا پاکستان آوے تے اصل تصویر دنیا دے سامنڑے پیش کرے ۔انہاں آکھیا جو آندے ڈینھاں اچ بین الاقوامی میڈیا بھی اسلام آباد دا رخ کریسی ،اسلام آباد ہک خوبصورت اتے پرکشش جاہ اے ،اتھاں عالمی میڈیا بہہ تے پاکستان دی تصویر بہتر انداز اچ دنیا دے سامنڑے رکھ سگدے ۔بعد ااچ قومی خبر رساں ادارے ”اے پی پی“ نال گال مہاڑ کریندے ہوئیں وفاقی وزیر اطلاعات و نشریات چوہدری فواد حسین آکھیا جو پی ٹی وی دے ایم ڈی دے معاملے د?? کابینہ نوٹس گھدے آندے ہفتے مستقل ایم ڈی لا ڈتا ویسی ۔
حکومت اتے پاک فوج دی حکمت عملی نال پہلی واری بھارت جگ اچ کلھا تھی گئے ، وفاقی وزیر اطلاعات و نشریات چوہدری فواد حسین
مضمون کا ماخذ : ٹکی انماد
متعلقہ مضامین
