اسلام آباد۔6اپریل (اے پی پی):وزیر خارجہ مخدوم شاہ محمود قریشی آکھیے جو کہیں جنوبی پنجاب دی خودمختاری تے نقب لاوݨ دی کوشش کیتی تاں اینکوں جنوبی پنجاب دے سیاسی کارکناں دے نال نال چارکروڑ واسیاں ولوں شدید مزاحمت دا سامݨا کرݨا پوسی ۔30 مارچ دا نوٹیفکیشن یقیناً ھک سازش ہئی،اساں جنوبی پنجاب اچ اختیارات دی مکمل منتقلی کوں یقینی ??ݨیسوں ۔او منگل ک??ں ویڈیو لنک دے ذریعے جنوبی پنجاب دے انتظامی امور دے حوالے نال منعقدہ اجلاس توں خطاب کریندے پئے ہن ۔وزیر خزانہ پنجاب مخدوم ہاشم جواں بخت وزیر خارجہ کوں اجلاس اچ شرکت تے خوش آمدید آکھیا جݙاں جو ایڈیشنل چیف سیکرٹری پنجاب شرکاء اجلاس کوں جنوبی پنجاب سیکرٹریٹ دے انتظامی امور دے حوالے نال تفصیلی بریفنگ ݙتی ۔وزیر خارجہ شرکاء اجلاس توں خطاب کریندے ہوئیں آکھیے جو جنوبی پنجاب دے اندر ودھدے ہوئے احساس محرومی دے خاتمے کیتے وزیر اعظم عمران خان میݙی مشاورت دے بعد جنوبی صوبہ دے مطالبے کوں ت??ریک انصاف دے منشور اچ شامل کیتا۔جنوبی پنجاب دا مطالبہ کہیں لسانی ی?? سیاسی بنیاداں تے کائنی ??لکہ محض انتظامی بنیاداں تے کیتا ڳئے ۔جنوبی پنجاب کوں اختیارات دی منتقلی کیتے اساں طویل جدوجہد کیتی۔شاہ محمود قریشی آکھیے جو جنوبی پنجاب دے عوام اساکوں مینڈیٹ ݙتے ۔30 مارچ دا نوٹیفکیشن یقیناً ہک سازش ہئی ۔پہلےوی جنوبی پنجاب سیکرٹریٹ دے قیام دے حوالے نال روڑے اٹکاوݨ دی کوشش کیتی ڳئی ۔
