اسلام آباد۔5اگست (اے پی پی):وفاقی وزیر اطلاعات و نشریات چوہدری فواد حسین آکھیے جو کشمیر کیتے اساں چار جنگاں لڑیاں ، ݙوجھی جنگ عظیم دے ب??د کہیں قوم دے الحاق کیتے ایجھیاں کوششاں نی تھیاں جیویں ہݨ تھیندیاں پئن، پاکستان کݙاہیں کشمیر کاز توں پچھوں نہ ہٹسی ، بھارت دی فاشسٹ حکومت کشمیریاں دے حقوق پامال کریندی پئی اے پاکستان دا ہر بندہ کشمیریاں دے رلے کھڑے تے رہسی ، خمیس کوں پارلیمنٹ ہائوس دے ب??ہروں یوم استحصال کشمیر ریلی توں خطاب کریندے ہوئیں وفاقی وزیر اطلاعات چوہدری فواد حسین آکھیے جو کشمیری عوام اساݙے جسم دا حصہ ہن اساݙے ??ل کشمیری عوام دے نال اتے انہاں دے اساݙے نال دھڑکدن ، کشمیریاں دے نال اساݙے رشتے، ناطے ہن اتے او اساݙے خاندان دا حصہ ہن ، اساں کشمیریاں کیتے آپݨی جاناں دی قربانی ݙتی اساں کشمیر کیتے آپݨ ااپݨا تن من دھن لاݙتے ۔ انہاں آکھیے جو اڄ اساں مقبوضہ کشمیر دے عوام کوں پیغام ݙیوݨ چاہندوں جو پاکستان دنیا دی پنڄویں وݙی طاقت انہاں دے پچھوں کھڑی اے ۔ چوہدری فواد حسین آکھیے جو بھارت دی فاشسٹ حکومت کشمیریاں دے حقوق پامال کریندی پئی اے ، انہاں آکھیے جو آر ایس ایس دا نظریہ بھارت اچ ایں ویلھے غالب آ چکے ، بھارت جاݨ گھنے جو ظلم و بربریت نال کشمیری قوم دا حق نی ک??س سڳدا ، انہاں آکھیے پاکستان کشمیر دے رلے ھے تے رہسی۔کݙاہیں پچھوں نہ ہٹسی۔
کشمیر کیتے اساں چار جنگاں لڑیاں ، ݙوجھی جنگ عظیم دے بعد کہیں قوم دے الحاق کیتے ایجھیاں کوششاں نی تھیاں جیویں ہݨ تھیندیاں پئن، پاکستان کݙاہیں کشمیر کاز توں پچھوں نہ ہٹسی ، چوہدری فواد حسین
مضمون کا ماخذ : پریمیوس لوٹومینیا
متعلقہ مضامین
