اسلام ??باد۔24نومبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے وفاقی دارالحکومت اسلام ??باد اچ زندگی معمول دے مطابق اے، رستے کھلئے پئن ، کجھ رستے بند ہن جنہاں دی ذمہ دار تحریک انصاف اے، شہر دا امن بحال رہسی ، کہیں کوں امن و امان خراب کرݨ دی اجازت نہ ݙتی ویسی ، پی ٹی آئی دے لوک رضاکارانہ طور تے گرفتاریاں ݙیندے پئن ، بانی پی ٹی آئی این آر او چاہندن ، انہاں کوں چاہیدے او عدالتاں نال رجوع کرن۔ اتوار کوں وفاقی دارالحکومت دے مختلف علاقیں دے دورے تے ڳالھ مہاڑ کریندے وفاقی وزیر آکھیے وفاقی دارالحکومت اسلام ??باد اچ رستے کھلیے پئن ، لوکاں دی آونڄ جاری اے ، کجھ رستے بند ہن جنہاں دی ذمہ وار پی ٹی آئی اے۔ انہاں آکھیے تحریک انصاف دے اپݨے لوک نی چاہندے جو انہاں دا لیڈر ٻاہر آوے ، پنجاب سودھے مختلف علاقیں توں اطلاعات ہن جو پی ٹی آئی دے لوک رضاکارانہ طور تے گرفتاریاں ݙیندے پئن کیوں جو او نی چاہندے جو انتشار کھنڈاؤں تے اسلام ??باد اچ بلاوجہ دھرنا ݙیوں۔ انہاں آکھ??ے کہیں کوں امن خراب کرݨ دی اجازت نہ ݙتی ویسی ، انتشار کھنڈاوݨ آلیں کوں گرفتار کیتا ویسی ، انتشار کھنڈاوݨ پی ٹی آئی دی تاریخ اے ، انھاں ہمیشہ سرکاری املاک اتے لوکاں دی جان تے مال کوں ضیان پڄائے ، 2014ءد?? دھرنے اچ انہاں پی ٹی وی تے حملہ کیتا ، پارلیمنٹ دا گیٹ بھنیا ، قبراں کھٹیاں ، 9 مئی دے حملے کیتے، شہداءدی یادگاراں ڈھائیاں ، دفاعی تنصیبات کوں نشانہ بݨایا، اڄ وی ایں روش تے قائم ہن ، انھاں دی ڈیمانڈ اے اساں نال ڈیل کرو، این آر او ݙیو، ساݙے لیڈر کوں چھوڑا لیکن اے کم حکومتاں دا کائنی عدالتاں دا ہے اتھاں آپݨے کیس لڑن حکومتی اقدامات توں ملکی ??عیشت صحیح پاسے ٹردی پئی اے ، پالیسی ریٹ اتے مہانگ گھٹی اے ، بیلارس دے صدر پاکستان آ ندے پئن ، اڄ بیلاروس دا کاروباری وفد پاکستان پڄدا پئے ، پی ٹی آئی کوں ملکی ترقی ہضم نی تھیندی پئی ایں ڳالھ دی بالکل اجازت کائنی جو ملک دی معیشت کوں ضیان پڄایا ونڄے ، وفاقی دارالحکومت اچ امن سانڳے نفری تعینات کیتی ڳئی اے ، قانون ہتھ اچ گھنݨ دی کہیں کوں اجازت نہ ݙتی ویسی ، تحریک انصاف ݙساوے اے کیڑھے عوامی ایشو تے ٻاہر نکلئن ؟ عطاءاللہ تارڑ آکھیے بجلی تے پہلے ہی سبسڈی ݙتی ڳئی اے ، وزیراعظم ونٹر پیکیج دا اعلان کر چکن ، ونٹر پیکیج توں بجلی دے ٻلاں اچ سردیاں اچ وی کمی تھیسی ، مہانگ گھٹ تھیندی پئی اے عوام کوں سہولتاں ݙتیاں ویندیاں پئن لیکن اے ضد تے ہن جو اساں احتجاج کرݨے انھاں دا احتجاج کیڑھی چیز دے خلاف اے امن قائم رکھݨ حکومت دی ذمہ واری اے، وزیر داخلہ امن و امان یقینی بݨاوݨ سانڳے صورتحال دا مسلسل جائزہ گھندے پئن ، راولپنڈی اسلام ??باد اچ امن بحال رہسی ، بیلاروس دے صدر کوں خوش آمدید آکھسوں ، او پاکستان سرمایہ کاری کرݨ سانڳے آندے پئن انہاں دا گرمجوشی نال استقبال کریسوں ۔ پاکستان ہݨے ہی ایس سی او کانفرنس کرائی ، دوست ملک اتھاں سرمایہ کاری کریندے پئن پی ٹی آئی ہمیشہ دوست ملکاں نال تعلقات خراب کرݨ دی کوشش کیتی تے ہݨ اسلام ??باد انتشار کھنڈاوݨ آندے پئن اے آپݨے صوبے اچ امن کنٹرول کرن ، کرم ایجنسی دے لوکاں دا کہیں کوں کوئی خیال کائنی اتھاں اڄ وی مظاہرے تھیندے پئن ، معیشت ترقی کریندی رہسی معیشت کوں ڈی ریل کرݨ دی کوشش کرݨ آلیں نال سختی نال نبݨیا ویسی ۔ ایں توں پہلے وفاقی وزیر اطلاعات عطاءاللہ تارڑ خود گاݙی ڈرائیو کرتے اسلام ??باد دے مختلف علاقیں دا دورہ کیتے ۔ ایں موقع تے انھاں پولیس نینگراں تے افسراں نال ملاقات کیتی ٻالاں تے فیملیاں نال وی ملیے۔
