اسلام آباد۔29نومبر(اے پی پی) وفاقی وزیر تجارت جام کمال خان آکھیے وزارت تجارت، ٹریڈ ڈویلپمنٹ اتھارٹی آف پاکستان نال رل تے ایتھوپیا اچ تھیوݨ آلی سنگل کنٹری ایگزیبیشن دی تیاری کریندی پئی اے، نمائش دا مقصد پاکستانی تاجراں کوں ایتھوپیا دے اہم منصوبیں نال جوڑݨ تے افریقہ دی 1.4 ارب لوکاں دی وسیع مارکیٹ تئیں رسائی گھنݨی ہئی ۔ وزارت توں جاری اعلامیہ موجب اے ڳالھ انہاں ایتھوپیا دے سفیرڈاک??ر جمال عبداللہ کوں ملاقات اچ آکھی ۔ ملاقات اچ ایتھوپیا اتے وسیع تر افریقی مارکیٹ نال تجارتی تعلق??ت ودھاوݨ دے حوالے نال جامع حکمت عملی اپناوݨ تے ڳالھ مہاڑ کیتی ۔ وفاقی وزیر تجارت مئی 2025 اچ عدیس بابا اچ تھیوݨ آلی سنگل کنٹری نمائش دے انتظامات اتے ایتھوپیا دی حکومت دی طرفوں تعاون ݙیوݨ تے سفیر دا شکریہ وی ادا کیتے ۔ وزیر تجارت آکھیے نمائش توں پہلے ملک اچ سیمیناردا سلسلہ شروع کیتا ویسی جیں اچ ݙ??ہیں ملکاں دی کاروباری برادریاں کوں سݙیا ویسی ۔ ایتھوپیا دے سفیر ڈاک??ر جمال عبداللہ آکھیے ایتھوپیا اتے پاکستان وچال ہفتے اچ چار پروازاں چلدیاں پئن ، انہاں آکھیے وختی لاہو?? تے اسلام آباد توں وی براہ راست پروازاں شروع کیتیاں ویسن ۔ ملاقات اچ ݙ??ہیں فریقاں اے امید کیتی جو عدیس ابابا اچ سنگل کنٹری نمائش نہ صرف پاکستان اتے ایتھوپیا وچال تجارت کوں تکڑا کریسی بلکہ پاکستانی تاجراں سانڳے وسیع تر افریقی مارکیٹ دے نال منسلک تھیوݨ سانڳے ھک پلیٹ فارم دے طو?? تے وی کم کریسی۔
