اسلام آباد۔10اکتوبر(اے پی پی) وفاقی وزیر خزانہ و محصولات سینیٹر محمد اورنگزیب آکھیے پاکستان د?? حکومت معاشی اصلاحات دے ذریعے ملکی معیشت مستحکم کرݨ سانڳے کوششاں کریندی پئی اے جنھاں اچ نجی شعبے دی شراکت داری، کرنٹ اکاؤ??ٹ خسارے اچ کمی، زرمبادلہ دے ذخیرے اچ ودھارا ، اتے روپے دی قدر اچ بہتری شامل ہن ، اے اقدامات نہ صرف معاشی استحکام دا رستہ ہ??وا?? کریندے پئن بلکہ عوام دی فلاح بہبود سانڳے وی اہم ہن ۔ اے ڳالھ انھاں پاکستان سعودی عرب بزنس فورم توں خطاب اچ آکھی ، انھاں آکھیے ݙوہیں ملکاں وچال معاشی تعلقات تکڑے کرݨ تے سرمایہ کاری دے موقع کوں ودھارا ݙیوݨ دے حوالے نال اہم اے ۔ وزیراعظم محمد شہباز شریف دی قیادت اچ پاکستانی معیشت دے استحکام دیاں کوششاں جاری ہن جیڑھی جو ملکی ترقی سانڳے ھک مثبت اشارہ ہن۔وفاقی وزیر ایں ڳالھ تے زور ݙتے جو حکومت دا کردار کاروبار کرݨ کائنی بلکہ نجی شعبے کوں سہولتاں ݙیوݨ اے ، انھاں بزنس ٹو بزنس (B2B) ماڈل دے ذریعے تجارت اتے سرمایہ کاری ودھاوݨ سانڳے سعودی عرب دے مندوبین دا خیرمقدم کیتا۔وفاقی وزیر خزانہ و محصولات گزریل 12-14 مہینے اچ معاشی استحکام اچ نمایاں پیش رفت دا حوالہ ݙتا۔ پاکستان بنیادی سرپلس ڳھدے آپݨے کرنٹ اکاؤ??ٹ خسارے کوں 1 بلین ڈالرتوں گھت کرݙتے آپݨی کرنسی کوں مستحکم کیتے ݙو مہینے دی درآمدات پورا کرݨ سان??ے زرمبادلہ دے ذخیرے اچ ودھارا کیتے۔
