اسلام آباد۔23اکتوبر(اے پی پی) وفاقی وزیر تجارت جام کمال خان آکھیے ٹیکسٹائل اتے لیدر دے شعبے اچ پاکستان دا عالمی سطح تے اہم کردار اے،پاکستانی برآمد کنندگان ماحول دوست اتے شفافیت دے عالمی ??عیارتے پورا لہندے پئن ،حکومت وی ٹیکسٹائل تے لیدر صنعتاں سانڳے صاف توانائی ت?? پاݨی دی بچت تے زور ݙیندی پئی اے ۔ اے ڳالھ انھاں کراچی ایکسپو سینٹر اچ پاکستان دی 5ویں بین الاقوامی ??یکسٹائل اتے لیدر نمائش ’’ٹیکسپو 2024‘‘دے افتتاح د?? موقع تے آکھی ۔ نمائش دا افتتاح وزیراعلی سندھ سید مراد علی شاہ اتے نمائش دے مہمان خصوصی وفاقی وزیر تجارت جام کمال خان کیتا جݙاں جو گورنر خیبر پختونخوافیصل کریم کنڈی وی تقریب اچ شرکت کیتی ۔ ایں موقع تے خطاب اچ وفاقی وزیر تجار ت آکھیے ٹیکسٹائل تے لیدر دی صنعتاں اچ پاکستان دا عالمی سطح تے اہم کردار اے ، پاکستانی مصنوعات عالمی ??عیار دیاں ہن ، ٹیکسپو اچ جدید مصنوعات دی نمائش، ٹیکسٹائل اتے لیدر مصنوعات پاکستان دی قومی برآمدات دا 60 فیصد حصہ ہن ۔ انہاں آکھیے ٹیکسٹائل اتے لیدر دی صنعتاں دی ترقی اچ ہنر مند لوکاں دا کردار اہم اے، پاکستان دی ٹیکسٹائل تے لیدر صنعت اچ اعلیٰ قدر دی مصنوعات دی ودھدی برآمدات،پاکستانی برآمد کنندگان ماحول دوست اتے شفافیت دے عالمی ??عیارتے پوریاں لہندیاں پئن ، نیٹ زیرو پاکستان اقدام دے تحت کمپنیاں دی پائیداری سانڳے کوششاں جاری ہن چھوٹے اتے درمیانے درجے دیاں صنعتاں عالمی ??عیار موجب خود کوں ڈھلیندیاں پئن ، قومی کمپلائنس سینٹر دے قیام توں عالمی ??عیارات تے پورا لہݨ اچ مدد ملسی کووڈ-19 دے دوران پاکستان دی ٹیکسٹائل اتے لیدر صنعتاں دا عزم اتے جدوجہدقابل ستائش اے،حکومت صنعتاں کوں سستے نرخاں تے توانائی ݙیوݨ سانڳے اقدامات کریندی پئی اے۔وزیر تجارت آکھیے پاکستان دی برآمدات اچ تکھے ودھارا تھئے ، 2022 اچ 18.86 ارب ڈالر دی تاریخی برآمدات تھئن،پاکستان دا ٹیکسٹائل اتے لیدر صنعتاں دا مستقبل روشن ات?? پائیدار اے۔
