اسلام آباد ۔ 15 مارچ (اے پی پی) کراچی ،لاہور ،فیصل آباد ، پشاور اتے کوئٹہ سمیت ملک دے مختلف حصیں اچ چھیویں مردم شماری دے پہلے ترائے ڈینہاں دے مرحلے دا آغاز کر ڈتا گیا ہے ۔ پی ٹی وی دے مطابق بدھ دی سویل پورے ملک اچ تھیونڑ آلی مردم شماری دے تریجھے مرحلے دا آغاز کر ڈتاگیا ہے ۔آئین دے مطابق ہر ڈاہ سال ??عد مردم شماری قنونی تقاضا ہے لیکن پاکستان اچ اے عمل 19سال ??عد تھیندا پیا ہے ۔ایں خطے اچ پہلی مردم شماری حکومت برطانیہ 1881اچ کرائی تاں جو پاکستان دے وجود اچ آونڑ دے ??عد 1951,، 1961 1972 ،1981 اتے 1998 اچ مردم شماری تھی۔ہنڑ سپری?? کورٹ دے حکم تے شروع کیتی ونجنڑ آلی مردم شماری پاکستان دی تاریخ اچ پہلی واری ڈو مرحلیں اچ کیتی ویندی پئی ہے ۔پہلے مرحلے اچ پہلے ترائے ڈینہاں اچ 15 توں 17 م??رچ تئیں گھراں دی گنتی دا کم پورا کیتا ویسی۔18توں 27مارچ تئیں مردم شماری دا عملہ گھر گھرونج تے مردم شماری دا ڈیٹا اکٹھا کریسی۔28مارچ کوں ایجھے لوکاں دی مردم شماری تھیسی جیرھے جو گھراں اچ نی رہندے ۔پہلے مرحلے اچ پنجاب دے16ضلعیں اچ مردم شماری دا کم تھیسی۔سندھ اچ کراچی دے غربی، جنوبی، شرقی، وسطی، کورنگی اتے ملیر سمیت حیدرآباد تے گھوٹکی سمیت8 ضلع اچ مردم شماری تھیسی۔جڈاں جو خیبر پختونخوا اچ پشاور سمیت 13 ضلعیں تے اورکزئی ایجنسی اچ مردم شماری کیتی ویندی پئی ہے ۔ بلوچستان اچ کوئٹہ سمیت 15ضلعیں اچ مردم شماری کیتی ویندی پئی ہے ۔ آزاد کشمیر تے گلگت بلتستان دے 5 پنج ضلعیں اچ پہلے مرحلے اچ مردم شماری کیتی ویسی۔پہلے مرحلے دی مردم شماری تے خانہ شماری 13 اپریل کوں پوری تھیسی جیں دے ??عد ملک دے بئے حصیں اچ ڈوجھا مرحلہ تے 25 اپریل توں شروع تھی تے 24 مئی کوں مک ویسی۔مردم شماری دے پر امن انعقاد سانگے 2 لکھ فوجی اہلکار تعینات کیتے گے ہن۔
کراچی ،لاہور ،فیصل آباد ، پشاور اتے کوئٹہ سمیت ملک دے مختلف حصیں اچ چھیویںمردم شماری دے پہلے ترائے ڈینھ دے مرحلے دا آغاز
مضمون کا ماخذ : کراچی لاٹری
متعلقہ مضامین
