اسلام آباد۔4فروری (اے پی پی):سپیکر قومی اسمبلی اسد قیصر خمیس کوں پارلیمنٹ ہائوس اچ یوم یکجہتی کشمیر دی مناسبت نال کشمیر یوتھ فورم دے زیر اہتمام منعقدہ تصویری نمائش دا دورہ کیتے۔ ایں موقع تے کشمیر کمیٹی دے چیئرمین شہریار آفریدی ‘ شاندانہ گلزار سودھے ٻئے ارکان پارلیمنٹ وی موجود ہن۔ نمائش اچ مسئلہ کشمیر دے حوالے نال ہݨ تئیں دنیا دے مختلف فورمز تے تھیوݨ آلی جدوجہد سودھے کشمیری ماواں‘ بھیݨیں‘ دھیریں ، نینگراں تے بزرگاں دیاں قربانیاں کوں اجاگر کیتا ڳئے۔ ایں موقع تے سپیکر قومی اسمبلی تصویری نمائش دا جائزہ ڳھدا تے کشمیر یوتھ فورم دی ایں کوشش دی تعریف کریندے ہوئیں آکھیے جو کشمیریاں دی جدوجہد دی تصاویر تے مبنی تاریخ وݙی افسردہ کرݙیوݨ آلی اے۔ انشاءاللہ ہک ݙینھ مظلوم کشمیریاں دی جدوجہد ضرور رنگ گھن آسی ۔
مضمون کا ماخذ : لاٹری نمبر کا انتخاب
