اسلام آباد۔28ستمبر(اے پی پی) وفاقی وزیر تجارت جام کمال خان آکھیے حکومت کاروبار ک??ݨ آلیں سانڳے سوکھ پیدا کرݨ تے کم کریندی پئی اے تاں جو پاکستان غیر ملکی سرمایہ کاری سانڳے پرکشش جاہ بݨ سڳے ۔ اے ڳالھ انھاں اسلام آباد چیمبر آف کامرس اینڈ انڈسٹری دی 40 سالہ سالگرہ دی تقریب توں بطور ??ہم??ن خصوصی خطاب اچ آکھی ۔وفاقی وزیر آکھیے حکومت دی دانشمندانہ تے موثر پالیسیاں توں مہانگ گھٹ تھئی اے ، مست??کم تے غیر ملکی ذخیرے اچ ودھارے توں شرح سود وی گھٹ ڳئے ، ایں توں انڄ حکومت صنعت سانڳے تے خاص طور تے برآمد کنندگان سانڳے بجلی دے نرخ گھٹ کرݨ سانڳے ٻہوں محنت کریندی پئی اے ۔انھاں مزید آکھیے جو وزیراعظم شہباز شریف خود تاجر برادری دے مسئلیں دے حل تے چنڳی توجہ کریندے پئن ایں مقصد سانڳے انھاں دی سربراہی اچ ھک ہائی پروفائل بورڈ پہلے ہی کم کریندا پئے ، علاقائی تجارت کوں پھلݨ تے اپݨے برآمد کنندگان سانڳے کاروباری موقع ڳولݨ سانڳے ہر وزارت دی طرفوں بھرپور کوشش کیتی ویندی پئی اے۔
