اسلام آباد۔7جنوری (اے پی پی) وزیراعظم محمد شہبازشریف آکھیا جو متحدہ عر?? امارات دا 2 ارب ڈالر دی ادائیگی موخر کرݨ دا فیصلہ کیتے، ی?? اے ای دے صدر پاکستان اچ سرمایہ کاری بارے آپݨا عزم کیتے۔ بجلی دے نرخ ڳھٹ کرݨ کیتے صوبیاں نال رَل تے دستیاب آپشنز تے کم کریندے پئن۔ برآمدات تے توجہ ݙیوݨی پوسی۔ انڈونیشیا دے صدر دے دورہ پاکستان دی تیاریاں کوں چھیکڑی شکل ݙتی ویندی پئی اے۔ معیشت اچ استحکام امدا پئے، اساں آپݨا ونڄیا مقام جلدی ڳھنسوں۔ اے ڳا??ھیں انہاں منگل کوں وفاقی کابینہ دے اجلاس اچ ڳا??ھ مہاڑ کریندیں ہوئیں آکھی۔ وزیراعظم آکھیا جو آݙت وار کوں رحیم یار خان اچ متحدہ عر?? امارات دے صدر شیخ محمد زید نال ملاقات ٻہوں فیدہ مند رہی جئیں اچ آپسی تعلقات کوں مضبوط کرݨ اتے سرمایہ کاری ودھاوݨ دا جائزہ ڳھدا ڳئیا۔ ی?? اے ای دے صدر توں میں سرمایہ کاری ودھاوݨ دی درخواست کیتی جئیں تے انہاں آپݨی کمٹمنٹ کیتی اتے آکھیا جو پاکستان نال او آپݨے برادرانہ تاریخی تعلقات کوں اہمیت ݙیندن۔ وزیراعظم ݙسیا جو ی?? اے ای دے صدر نال ون آن ون ملاقات وی تھئی اے۔ انہاں میݙی درخواست تے ݙو ارب ڈالر دی ادائیگی جو جنوری اچ ݙیوݨی اے موخر کرݨ دا فیصلہ کیتے۔ وزیراعظم کابینہ کوں ݙسیا جو بجلی دے نرخ ڳھٹ تھیوݨ تئیں زراعت ، صنعت ، برآمدات اتے تجارت ترقی نی کر سڳدی۔ وزیراعظم آکھیا جو نمو کیتے بجلی دے نرخ ڳھٹ کرݨ ٻہوں ضروری اے۔ آئی ایم ایف نال اے معاملہ چاتا ویسی۔ وزیراعظم “سمیڈا” کوں پاکستان دی ترقی اتے خوشحالی کیتے اہم قرار ݙیندیں ہوئیں آکھیا ج?? اے معیشت دی ترقی کیتے ریڑھ دی ہڈی دی حیثیت رکھیندے۔ وزیراعظم کابینہ کوں ݙسیا جو ٹیکسٹائل دی برآمدات ودھدی پئن جو چنڳی ڳا??ھ اے۔ ٹیکسٹائل روایتی طور برآمدات دا وݙا ذریعہ اے۔ وزیراعظم کابینہ کوں ݙسیا جو انڈونیشیا دے صدر دے ایں مہینے دورہ پاکستان بارے وی ݙسیا اتے آکھیا جو جینویں ملائیشیا دے نال اساݙا برادرانہ تعلق اے، اینویں انڈونیشیا وی اساݙا برادر ملک اے۔ انڈونیشیا دے نال تجارت اتے سرمایہ کاری ودھاوݨ بارے ایجنڈا ٻݨایا ویندا پئے۔ انڈونیشیا دے صدر دے دورہ پاکستان اچ حلال گوشت ، چاول اتے خوردنی تیل سودھے مختلف شئیں دی تجارت بارے پیشرفت تھیسی۔ وزیراعظم لوئر کرم اچ امن معاہدے دے بعد معاہدے کوں سبوتاژ کرݨ کیتے کیتی ڳئی حرکت کوں افسوسناک قرار ݙتا اتے کابینہ کوں ݙسیا جو ایں واقع اچ ہک ڈپٹی کمشنر شدید زخمی تھیے جنہاں دا علاج جاری اے۔ وزیراعظم واقعے اچ زخمیاں دی جلدی صحت یابی کیتے دعا کیتی اتے جاناں ݙیوݨ آلے شہیداں کوں خراج عقیدت پیش کیتا۔ وزیراعظم کابینہ کوں انسانی سمگلنگ دے مکروہ دھندے دے خلاف حکومتی اقدامات دا وی ݙسیا۔ انہاں آکھیا جو انسانی سمگلنگ نال ملک دی بدنامی تھیندی اے، ایں مکروہ دھندے دا خاتمہ کریسوں۔ وزیراعظم آکھیا جو معیشت اچ استحکام امدا پئے، اساں آپݨا ونڄیا مقام جلدی ڳھنسوں۔
متحدہ عرب امارات دا 2 ارب ڈالر دی ادائیگی موخر کرݨ دا فیصلہ، معیشت اچ استحکام امدا پئے، اساں آپݨا ونڄیا مقام جلدی ڳھنسوں، وزیراعظم محمد شہباز شریف
مضمون کا ماخذ : ولف گولڈ
متعلقہ مضامین
