اسلام آباد۔13دسمبر (اے پی پی) وزیر اعظم محمد شہباز شریف بج??ی صارفین کیتے بجلی دے نرخ ٻئے ڳھٹ کر?? اتے مستقبل دے بجلی دے پیداواری منصوبیاں بارے لائحہ عمل تے عملدرآمد تیز کرݨ دی ہدایت کریندیں ہوئیں آکھیا جو مستقبل اچ ڳھٹ لاگت دے بجلی دے منصوبیاں کوں ترجیح ݙتی ویسی۔ وزیر اعظم آفس دے پریس ونگ توں جاری بیان موجب اے ڳالھیں انہاں جمعے کوں ملک اچ مستقبل کیتے بجلی دے پیداواری منصوبے، بجلی دے شعبے اتے خصوصی طور ترسیلی نظام تے جائزہ اجلاس اچ ڳالھ مہاڑ کریندیں ہوئیں آکھی۔ وزیر اعظم محمد شہباز شریف آکھیا جو بجلی دے پیداوار دے منصوبے کیتے مقامی وسائل کوں ترجیح ݙتی ویسی۔ ایں موقع تے وزیراعظم کوں ملک اچ جاری پن بجلی دے منصوبیاں تے پیشرفت دا ݙسیا ڳئیا۔ وزیر اعظم آکھیا جو پنج بجلی دے منصوبے ڳھٹ لاگت بجلی دے ایجھے ذرائع ہن جئیں نال صارف کوں ماحول دوست اتے سستی بجلی ملسی۔ وزیر اعظم کوں ودھ ایندھن نال ڳھٹ بجلی ٻݨاوݨ آلے غیر موثر بجلی گھراں کوں ختم کرݨ بارے پیشرفت دا وی ݙسیا ڳئیا۔ وزیر اعظم محمد شہباز شریف آکھیا جو ایجھے فرسودہ بجلی گھراں کوں فوری بند کیتا ??نڄے۔ انہاں ہدایت کیتی جو ایجھے سارے افسر جیڑھے بجلی دے شعبے دی اصلاحات اچ رکاوٹ پیندے پئن انہاں دے خلاف فوری کاروائی کیتی ونڄے۔ ایں توں پہلے اجلاس اچ وزیراعظم کوں ملک اچ مستقبل کیتے بجلی دے پیداواری منصوبے، بجلی شعبے خصوصی طور ترسیلی نظام بارے بریفنگ ݙتی ڳئی۔ ایں وچال بجلی دے نویں منصوبیاں بارے وی بریفنگ ݙتی ڳئی۔ وزیر اعظم محمد شہباز شریف بجلی دے شعبے دی اصلاحات کیتے سار?? اقدامات کوں معینہ مد تئیں پورا کرݨ دی ہدایت کیتی۔ اجلاس اچ وفاقی وزراء احد خان چیمہ، سردار اویس احمد خان لغاری، ڈاکٹر مصدق ملک، وزیر مملکت علی پرویز ملک اتے متعلقہ اعلی حکام شریک تھیے۔
پاکستان اچ شمسی توانائی دی وسیع استعداد موجود اے، مستقبل اچ ڳھٹ لاگت دے بجلی دے منصوبیاں کوں ترجیح ݙتی ویسی، وزیر اعظم محمد شہباز شریف
مضمون کا ماخذ : میگا جیک پاٹس: کلیوپیٹرا
متعلقہ مضامین
