اسلام آباد ۔ 2 اگست (اے پی پی) قومی اسمبلی کو ں ڈسایا گئے جو 2018ءاچ پاکستان اچ فی بندہ دستیاب پانڑیں گھٹ تھی تے 908 کیوبک میٹر تئیںآگئے جڈاں جو 2025ءاچ ایہ مقدار بی گھٹ تے 800 کیوبک میٹر تئیں آویسی۔ جمعہ کوں قومی اسمبلی اچ وزارت آبی ذخائر ولوںتحریری طور تے نزہت پٹھان دے سوال دے جواب اچ ڈسایا گیا جو 1951ءاچ پاکستان اچ فی بندہ 5260 کیوبک میٹر سالانہ پانڑیں دستیاب ہا۔ ہنڑ ایہ 2018ءاچ گھٹ تھی تے 908 کیوبک میٹر رہ گئے۔ ایندی ہک وجہ آبادی اچ مسلسل ودھار ہے اتے ایہ گھٹکی پانڑیں دی فی گھٹکی دی سطح تے ویندی پی ہے۔ 2025ءتئیں ا یہ گھٹکی بی 800 کیوبک میٹر سالانہ رہ ویسی،جیرھی جو پانڑیں دی شدید گھٹکی دی صورت اچ سامنڑے آوسی۔ موجودہ آبی ذخائر اچ گاد دی وجہ نال 49 لکھ 65 ہزار ایکڑ فٹ پانڑیں دی گنجائش اچ گھٹکی تھی ہے جڈاں جو 2025ءتئیں ایندے اچ بیا 7 لکھ 50 ایکڑ فٹ پانڑیں ضائع تھیسی۔ ایجھی صورتحال نال نبڑن سانگے جاری مالی سال دے بجٹ اچ سولہ ارب روپے رکھے گن ۔ جیندی مدد نال چھوٹے آبی ذخائر بنڑاونڑ تے توجہ ڈتی گی ہے۔
آبی زخائر دی گنجائش اچ گھٹکی دے مسئلے نال نبڑن کیتے بجٹ اچ سولہ ارب روپے رکھے گن، وزارت آبی ذخائر دا قومی اسمبلی اچ تحریری جواب
مضمون کا ماخذ : بفیلو بلٹز
متعلقہ مضامین
