اسلام آباد ۔ 23 مئی (اے پی پی) پاکستان اچ یوکرائن دے سفیر ولادی میر لوکو موف آکھیا ہے جوپاکستان تے یوکرائن غیرروایتی شعبیں اچ رابطے اتے تجارتی تعلقات کوں نویاں بلندیاں تے پجا سگدے ہن۔” اے پی پی “ نال خصوصی گالھ مہاڑ اچ یوکرائن دے سفیر آکھیا جو پاکستان تے یوکرین وچال موجودہ تجارتی حجم 500ملین ڈالر ہے ایں حجم کوں ودھاونڑ دے موقع موجود ہن ،یوکرین پاکستان دے نال درجناں معاہدے طے کرنڑ دے مرحلے اچ ہے تاں جو ڈو پاسے بنیاداں تے سرمایہ کاراں کوں سازگار ماحلو دی فراہمی دے علاوہ سائنس تے ٹیکنالوجیز، تعلیم، ثقافت اتے تجارتی تعلقات کو ں ودھارا ڈتا ونج سگے انہاں آکھیا جو پاکستانی کاروباری برادری ٹیکسٹائل، ہینڈی کرافٹ، چمڑے دی مصنوعات، سرجیکل آلات،کھیڈاں دے سامان۔ پھل خوص طور تے امب ،کنو اتے پنڈوں جیہوجیہاں چیزاں سانگے یوکرائنی منڈیاں اچ مواقع تلاش کرسگدے ہن ۔ ایویں ہی یوکرائن کنڑنک، مال برادری، ہوا بازی اتے خلائی ٹیکنالوجیز دے علاوہ دفاعی سامان دی درآمدات اتے برآمدات کوں ودھارا ڈے سگدا ہے۔ انہاں آکھیا جو پاکستان اچ ایوی ایشن دے شعبہ اچ بہوں موقع ہن اتے یوکرائن مسافر مال بردار طیاریں دی تیاری اچ 60سال دا تجربہ رکھیندا ہے جیں توں فائد چاتاونج سگدے،۔ انہاں آکھیا جو یوکرائن دی انیتانوف کمپنی ہنڑ تئیں 100 قسم دے جہاز بشمول ساریں توں وڈے مال بردار جہاز اتے بھاہ تے قابو پاونڑ آلے جہاز تیار کرنڑ اچ تجربہ رکھیندی ہے ۔یوکرین دے وزیر خارجہ دی وزیراعظم پاکستان دے مشیر خارجہ سرتاج عزیز نال اجوکی ملاقات دا حوالہ ڈیندے ہوئیں انہاں آکھیا جو ڈوہیں رہنماواں ڈو طرفہ تعاون دے ودھارے دے طریقے تے گالھ مہاڑ کیتی ۔پاکستان پھل کنو ،امب اتے معیار اتے ذائقیں دی تعریف کریندے ہوئیں انہاں آکھیا جو پاکستانی پھل رسیلے تے خوش ذائقہ ہن ۔انہاں آکھیا جو جڈاں وی اساں کیف ویندوں اتے نعمتاں پاکستان توں نال گھن ویندوں اتے اے پھل یاراں دوستاں اتے خاندان دے لوکاں کوں تحفے اچ پیش کریندوںلیکن یوکرین دے لوک پاکستان دے معیاری اتے خوش ذائقہ پھلاں دی چاہت رکھیندن ۔یورو وژن موسیقی دے مقابلیں اچ انعام یافتہ یوکرائن دے گلوکار جامالا دے پاکستان دے آزادی دے ڈینھ14 اگست دے موقع تے پاکستان اچ پروگرام دی تجویز کوں سریندے ہوئیں سفیر آکھیا جو ڈو طرفہ ثقافتی تعلقات ددے ودھارے اچ اہم قدم ثابت تھیسی۔
پاکستان تے یوکرائن غیرروایتی شعبیں اچ رابطے اتے تجارتی تعلقات کوں نویاں بلندیاں تے پجا سگدے ہن،پاکستان اچ یوکرائن دے سفیر ولادی میر لوکو موف دا اے پی پی کوں انٹرویو
مضمون کا ماخذ : jogos de raspadinha
متعلقہ مضامین
