اسلام آباد۔9دسمبر (اے پی پی) وزیر اعظم محمد شہباز شریف آکھیا جو اسلام آباد اچ کڄھ ݙینھ پہلے ہنگامہ، بھن تروڑ، سرکاری تے نجی املاک دا ضیان کرݨ آلیاں دے خلاف کاروائی تیز کیتی ونڄے۔ اے ??ال?? یقینی ٻݨائی ونڄے جو انتشار کھنڈاوݨ آلیاں دے خلاف کاروائی اچ کوئی بے گناہ اتے معصوم شہری گرفتار نہ تھیوے۔ سنوار کوں وزیراعظم آفس دے پریس ونگ توں جاری بیان موجب وزیر اعظم محمد شہباز شریف دی صدارت امن و امان دی صورتحال تے اعلیٰ سطحی جائزہ اجلاس تھیا۔ وزیراعظم آکھیا جو اسلام آباد اچ کڄھ ݙینھ پہلے ہنگامہ، بھن تروڑ، سرکاری تے نجی املاک دا ضیان کرݨ آلیاں دے خلاف کاروائی تیز کیتی ونڄے۔انہاں فساد کھنڈاوݨ آلیاں دے خلاف ٻݨائی ڳ??ی ٹاسک فورس کوں ہر وسائل ݙیوݨ، وفاقی پراسیکیوشن سروس کوں وزارت قانون دے تحت ڳھن آوݨ اتے اسلام آباد جیل دی تعمیر جلدی پوری کرݨ اتے ایں بارے فنڈز فوری جاری کرݨ دی ہدایت کیتی۔ اجلاس کوں اسلام آباد اچ امن و امان بارے بریفنگ ݙتی ڳ??ی۔ بریفنگ اچ ݙسیا ڳئیا جو اسلام آباد جیل دی عمارت اگلے سال مارچ تئیں پوری کر ڳھدی ویسی۔ اجلاس اچ وفاقی وزیر اقتصادی امور احد خان چیمہ ، وفاقی وزیر داخلہ سید محسن رضا نقوی ، وفاقی وزیر قانون تے ا??صاف اعظم نذیر تارڑ ، وفاقی وزیر اطلاعات و نشریات عطاء اللہ تارڑ ، مشیر وزیر اعظم رانا ثناء اللہ، وزیر مملکت برائے ا??فارمیشن ٹیکنالوجی و ٹیلی کام شزا فاطمہ، وزیراعظم دے کوآرڈینیٹر رانا احسان افضل اتے متعلقہ اعلیٰ سرکاری افسران شریک تھیے۔
وزیر اعظم محمد شہباز شریف دی صدارت امن و امان دی صورتحال تے جائزہ اجلاس،اسلام آباد اچ ہنگامہ آرائی اتے سرکاری تے نجی املاک دا ضیان کرݨ آلیاں دے خلاف کاروائی تیز کرݨ دی ہدایت
مضمون کا ماخذ : بہت سے نتائج
متعلقہ مضامین
.jpg)