اسلام آباد۔16ستمبر(اے پی پی) نګران وزيراعظم انوار الحق کاکړ وئيلي دي چې د جمو او کشمير شخړه د ملګرو ملتونو د سلامتي کونسل په ناحل شوې ايجنډا کښې تر ټولو پخوانۍ ده او پاکستان به په ټولو نړيوالو او سيمه ايزو فورمونو د هند په غېر قانوني توګه د قبضه كړي جمو او کشمير مسئله پورته کوي٬ پاکستان به په افغانستان او سیمه کښې تلپاتې سولې لپاره خپل رول لوبولو ته دوام وركوي ، پاکستان له عرب، خلیجي او نورو سیمه ییزو هېوادونو سره ژورې اړیکې لري٬ لويديز سره په لسيزو محيط اړيكې به راتلونكو كلونو كښې لا پياوړې شي۔ د ملګرو ملتونو په عمومي اسمبلۍ کښې ګډون لپاره د روانېدو څخه وړاندې وائس آف امريكا سره خپله مركه كښې نګران وزيراعظم ووئيل پاکستان په ټولو موجودو څو اړخیزو او سیمه ایزو فورمونو د کشمیر د مسئلې په دوامداره او منظمه توګه دفاع او حمایت كړے دے او د دې مسئلې تر حل كېدو به پاكستان خپل دې کردار ته دوام ورکوي۔ نګران وزيراعظم ووئيل په مقبوضه جمو او کشمير کښې دبشري حقونو په ضد سنګينې خلاف ورزۍ روانې دي٬ قابض هندي ځواکونو ټوله سيمه د نړۍ په تر ټولو لوي زندان بدله کړې ده، د كشميريانو غږ غلې كولې شي۔ ټاكنو سره د اړوندو ځينو بې بنسټه خبرو رد كولو سره وزیراعظم ووئيل په هېواد كښې د ټول ټاكنو نېټه اعلان كول د الېكشن كمېشن مېنډېټ دے او الېكشن كمېشن په دې لړ كښې ځينې ګامونه پورته كړې هم دي۔ هيله لرؤ چې الېكشن كمېشن به خپل دا عمل ايماندارۍ سره ترسره كړي۔ ده ټاكنو لپاره الېكشن ته د مالي وسائلو او سكيورټي وركولو سره اړوند د حكومتي لوظ پخلې وكړو۔ وزيراعظم په پولو د سلامتيا په خطرو د قابو موندلو او د ټاكنو عمل بشپړ كولو حوالې سره د خپل باور څرګندونه هم وكړه۔ وزيراعظم په هېواد كښې د جمهوري عمل دوام لپاره د خپل عزم څرګندونه كولو سره ووئيل چې د ټولټاكنو عمل مخ په وړاندې بوتللو له به ګامونه پورته كولې شي۔ د يوې پوښتنې په ځواب كښې وزيراعظم ووئيل د رايې آزادۍ په اړه زمونږ اشاريې په منطقه كښې ډېرې په زړه پورې دي٬ هېواد کښې ميډيا ته آزادي ترلاسه ده٬ ميډيا حكومت ٬ ادارو ٬ يا معاشي چارو سره په اړونده كومه هم مسئله غږ پورته كولې او خپرولې شي۔ د تحريک انصاف چيئرمېن عمران خان په ضد د قانوني مقدمو په اړه د يوې پوښتنې په ځواب کښې وزيراعظم دا تاثر په کلکه رد کړو چې د پخواني وزيراعظم د سياست څخه د لرې ساتلو هڅې روانې دي، وزيراعظم وويل په عدالتونو كښې دا معاملې تر سماعت لاندې دي۔ د پخواني وزيراعظم په ضد تورونه دي ٬ هيله ده چې عدالتي عمل به سپېځلې وي۔ د يوې بلې پوښتنې په ځواب كښې وزيراعظم ووئيل نګران حكومت د مسلسل آئيني عمل له امله كار كوي او دا په قومي اسمبلۍ كښې د ايوان مشر او مخالفې ډلې مشر ټاكلې دې۔ ده د نګران حكومت د تېر پي ډي اېم حكومت تسلسل ګرځول كېدو تاثر هم ناسمه وګرځولو۔ نګران وزیراعظم ووئیل پاکستان په افغانستان او سیمه کښې د تلپاتې سولې لپاره خپل رول لوبوي او په ټولو اړوندو فورمونو له طالبانو او نړیوالې ټولنې سره خبرې کوي۔ ده ووئيل طالبانو دوحه لوظنامې لادې عهد كړې وو چې د افغانستان خاوره به د كوم هېواد په ضد ترهګرۍ لپاره كارولو كېدو ته وركولې نه شي۔ ده ووئيل نګران حكومت د غېر قانوني تجارت په شمول د افغان ټرانزټ مسئلو ته پام ګرځوي۔ ده ووئيل زمونږ سوداګریزې اړیکې یوازې له افغانستان سره نه، بلکې د منځنۍ اسیا له ټولو هېوادونو سره هم په ښه کېدو دي ځکه چې مونږ د ټولو سیمه ییزو سوداګریزو اړیکو په اهمیت پوهیږو۔ د افغان خاورې څخه د ترهګرو د بریدونو په اړه د یوې پوښتنې په ځواب کښې وزیراعظم ووئیل چې پاکستان د ترهګرۍ د هر ډول اقدام په وړاندې د خپلې دفاع حق لري او كله هم چې ضرورت وي د خپل اولس او خاورې دفاع لپاره به ضروري ګامونه پورته كوي٬ كله چې وخت راشي نو دې لړې كښې به مناسبې پرېكړې وكړې شي۔ وزيراعظم کاکړ ووئيل په افغانستان کښې د امريکا او نيټو لخوا پاتې كړې شوې وسلې د ترهګر تنظيمونو لاس ته رسېدو سره اړوند د ده د بيان مقصد په امريكا يا كوم بل هېواد تور لګول نه وو ٬ په دې اړه چې كوم تاثر رامخې ته شوې دې سم نه دے۔ ده د پاكستان په سفارتي توګه د ځانله كېدو تاثر رد كولو سره ووئيل پاكستان عرب ٬ خليجي او نورو سيمه ايزو هېوادونو سره پياوړې اړيكې لري او لويديز سره به د لسيزو راهسې اړيکې په راتلونکو کلونو کښې نورې هم مضبوطې شي۔
پاکستان به د جموں وكشمير ستونزه په ټولو نړيوالو او سيمه ايزو فورمونو پورته كول روان ساتي٬ په افغانستان او سیمه کښې تلپاتې سولې لپاره به خپل رول ته دوام وركوؤ٬ د نګران وزيراعظم انوار الحق كاكړ وي او اے سره مركه
مضمون کا ماخذ : como jogar dupla sena
متعلقہ مضامین
