اسلام آباد ۔ 25 جنوری (اے پی پی) وفاقی وزیرا طلاعات و نشریات چوہدری فواد حسین آکھیا جو پاکستان سیاحت سانگے جنت اے،ملک دی 70سال دی تاریخ اچ پہلی واری 175ملکاں سانگے ای ویزہ متعارف کرویندے پیوں،سفارتی کارڈ دی مدت اچ ہک سال ودھا کراہیں ترائے سال کر ڈتی اے،50ملکاں سانگے آن آر ائیول دی سہولت ڈیندے پیوں،نویں ویزہ پالیسی نال پاکستان اچ بہوں جلدی وڈی تبدیلی امسی،کوشش اے جو سیاح نویں پاکستان دی بنیاد بنڑن،وزیراعظم عمران خان دی عزت ساریاں تے فرض اے،ایوان کوں مچھی منڈی کائنا بنڑنڑ ڈیسوں،چوہدری نثار دی ویزہ پالیسی نال پاکستان دا ضیان تھیا،سندھ دے زردار بڈددے پئن،سندھ دی عوام اتے پاکستان کوں کوئی خطرہ کائنی،جنہاں دے کپڑے سانحہ ماڈل ٹاﺅن نال لت پت ہن او ہنڑ ساہیوال دے واقعہ تے سیاست کریندے پن،شہباز شریف دے دور اچ ساریاں توں ودھ ماورائے عدالت قتل تھین،شاہد خاقان عباسی گیس دے شعبے کوں 157ارب روپے دا قرض دار کیتے۔جمعہ کوں پارلیمنٹ ہاﺅس دے باہر میڈیا نال گالھ مہاڑ کریندیں ہوئیں انہاں آکھیا جو پاکستان سیاحاں سانگے جنت اے ،ترکی اتے ملائیشیا سیاحت دے شعبے نال بلین دالر کمیندے پئن۔وزیراعظم دی ہدایت تے سیاحت بارے متعلقہ محکمے اتے ایجنسی سر جوڑ کراہیں نویں ویزہ پالیسی بارے کم کیتے جئیں نال ہنڑ ملک دی 70سال دی تاریخ اچ پہلی واری 175ملکاں سانگے ای ویزہ متعارف کرویندے پیوں۔انہاں آکھیا جو برٹش امریکن پاسپورٹ رکھنڑ آلے بھارتی باشندیاں کوں ویزہ آن آرائیول دی سہولت ہوسی۔انہاں آکھیا جو تبلیغ سانگے ویزہ دی مدت 45ڈینھ جڈانجو افغانستان سمیت بئے اسلامی ملکاں توں آونڑ آلے طلباءجیڑھے تعلیم سانگے امدن انہاں کوں ڈو سال دا ویزہ جڈانجو ماسٹر سطح دے طالب علم کوں چار سالیں سانگے ویزہ ڈتا ویسی۔
پاکستان سیاحت سانگے جنت اے،ملک دی 70سال دی تاریخ اچ پہلی واری 175ملکاں سانگے ای ویزہ متعارف کرویندے پیوں،وفاقی وزیرا طلاعات و نشریات چوہدری فواد حسین دی پارلیمنٹ دے باہر میڈیانال گالھ مہاڑ
مضمون کا ماخذ : الوہا کلسٹر ادائیگی کرتا ہے۔
متعلقہ مضامین
