حكومت راتلونكے كول د موسمياتي بدلون منفي اغيز نه ساتلو له ماحول دوسته تګلاره وضعه كوي

اسلام آباد 08جولائي (اے پي پي)وزيراعظم عمران خان وئيلي دي اوسنې حكومت د اوږدې مودې منصوبې له مخې راتلونكے كول موسمياتي بدلون او د زيات شوي نړيوال حدت منفي اغيز نه ساتلو له ماحول دوست تګلاره وضعه كوي،په دې لړ كښې ماحول دوست الېكټرك موټر سائيكل (اي بائيك) منصوبه خوشبينه ده٬ د كلين اېنډ ګرين پاكستان كمپائنپه لړ كښې د حكومت الېكټرك وهيكلز پاليسۍ اهمه برخه ده، مونږ به هېواد ته يو نوې جهت وركوٶ او د راتلونكي نسلونو په اړه به سوچ كوٶ، د ماحولياتو د څانګې بهتري او د ګلوبل وارمنګ پحقله د پاكستان اقدامات په وړومبي ځل نړيواله ورورولي تسليموي، لوي څښتن پاكستان ته بلها وسائل وركړې دي او اوسنې حكومت د دې وسائلو بهتر استعمال لپاره منصوبه بندي كوي۔ وزيراعظم د دې خيالاتو څرګندونه د زيارت په ورځ پاكستان كښې د وړٶمبي ماحول دوست اليكټرك موټرسائيكل پرانستې دستورې ته خپله وېنا كښې وكړه۔ وزيراعظم ووئيلدا قدم د سباون د سوچ له مخې اخستے شوےدے۔ وزيراعظم ووئيل دې ماحول دوست پاليسۍ سره به هېواد كښې هوا، اوبه او د ښارونو پاك ساتلو كښې مرسته ترلاسه شي۔ وزيراعظم وفاقي وزير حماد اظهر او خسرو بختيار ته د اليكټرك وهيكلز پاليسۍ په مرتب كولو مباركي وركړه۔ ده ووئيل تر ننه چې كومو هېوادونو پرمختګ كړې ھغوي ټول عمري د سباٶن سوچ كړې۔ وزيراعظم ووئيل د چين د پرمختګ په شا د 10 ٬ 20 او 30 كالو اوږده منصوبه بندي ده۔ ده ووئيل كه د اوږدې مودې پاليسۍ اختيار نه كړۍ شي نو په هېواد كښې به د الېكشن ټو الېكشن پرېكړې كېږي كومو څخه چې مافياز ګټه پورته كولو سره د خپلو مفادو پرېكړې كوي او هېواد به پرمختګ نه كوي۔ وزيراعظم عمران خان د حضرت محمدۖ د فرمان حواله وركولو سره ووئيل ” مونږ له آخرت لپاره داسې ژوند پكار دے لكه مونږ سبا روان يؤ خو دنيا كښې پاتې كېدو لپاره به منصوبه بندي هم كول وي” ده ووئيل د بده مرغه پاكستان ھغه هېواد دے چرته چې د ځنګلاتو د كر زمكه ډېره كمه ده، مونږ د فېرنګيانو په دور كښې لګولې شوې ځنګلونه هم ختم كړې دي۔ وزيراعظم ووئيل حكومت د بېليون ټري منصوبې له مخې بوټي نالوي٬ قامي پاركس جوړوي٬ د ښارونو ماسټر پلان جوړېږي دغسې چې د شهري آبادۍ بې ډوله اضافې لاره ونيولې شي۔ ده ووئيل د تېرو 20 كالو په مهال د اسلام آباد آبادي په تندۍ سره زياته شوې خو دې لپاره مناسب منصوبه بندي نه وه شوېبياهم مونږ به د منصوبه بندۍ له مخې د ښار انتظامات ښه كوٶ۔ ده ووئيل په آبادۍ كښې اضافه او د منصوبه بندۍ د فقدان له امله په اسلام آباد كښې الودګي زياته شوې او لاهور٬ پېښور او كراچۍ كښې هم ماحولياتي مسئلې رامخې ته شوي دي۔ وزيراعظم ووئيل په الودګۍ كښې د اضافې له امله د لاهور د وګړو ژوند اوسطاً 11 كاله كمېدې شي۔ ده ووئيل الېكټرك وهيكلز پاليسۍ سره به د ښارونو الودګي ختمولو كښې مرسته ترلاسه شي ځكه چې په ښاريو كښې د موټر سائيكل استعمال زيات وي اي بائيك سره به په الودګۍ كښې كمي راوستلو كښې مرسته ترلاسه شي۔ وزيراعظم عمران خان ووئيل حكومت به د اليكټرك وهيكلز پاليسي لا ښه كولو لپاره اقدامات كوي دغسې چې د آلودګۍ او ماحولياتو مسئلې كمې كړې شي۔ وزيراعظم ډاكټر امجد ته د اي بائيك په معرفي كولو پېروزئنې وړاندې كولو سره ووئيل تاسو د سباٶن د سوچ له مخې دا ګام پورته كړے كوم چې خوشبينه دے۔ده ووئيل د حكومت معاشي ډلې د اليكټرك وهيكلز پاليسي مرتب كولو سره د هېواد د سباٶن پلان وركړې چې د حكومت سمت څه دے۔ ده ووئيل لوي څښتن مونږ ته ډېر نعمتونه راكړي خو مونږ ترې استفاده نه ده كړې او هر څيز د بهر نه د درامد كولو آسانه لاره مو خپله كړې چې ورسره دا زيان وشو چې مونږ خپل خام مال استعمال نه كړې شو او هېواد غريب شو۔ ده ووئيل د درآمداتو اضافې سره د ادائيګوتوازن متاثره كېږي او د هېواد تجارتي زيان هم زياتېږي كه برآمدات زياتېدو سره زيات ډالره هېواد ته راځي نو هېواد به شتمند كېږي د دې برعكس درامدات زياتېدو سره هېواد غريب كېږي۔ ده ووئيل چين برآمداتو ته د ودې پاليسۍ له مخې زيات ډالر ګټلي او نن د نړۍ يو لوے معاشي قوت جوړ شوې دې٬ دغسې سنګارپور هم د ترقۍ منازل ترسره كړي۔ وزيراعظم ووئيل په تېر مالي كال كښې زمونږ برآمدات زياتېدو سره 26 اربه ډالرو رېكارډ كړې شوي او د دې برعكس يو كوچنې هېواد سنګارپور چې برآمدات ئې 300 اربه ډالرو ته رسېدلي كوم چې د منصوبه بندۍ له مخې ترلاسه كړې شوې دي۔ ده ووئيل پاكستان زيات معدنيات لري٬ مونږ سره هر څه شته٬ زمونږ هېواد ډېر شتمند دے او مونږ ته د درآمداتو حاجت نشته خو دې لپاره به مونږ له د خپلو وسائلو څخه استفاده كول وي۔ ده ووئيل درآمداتو څخه هېواد ته زيان رسي٬ د ادائيګو په لړ كښې په روپۍ بوج زيتېدو سره د دې قدر كمېږي چې په نتيجه كښې ئې ګراني راځي او غربت زياتېدو سره هېواد غريب كېږي۔ وزيراعظم ووئيل مونږ به په هېواد كښې د دولت اضافې لپاره تل پاتې كېدونكې معاشي ترقۍ ته خاص پاملرنه كوٶ ځكه چې كه هېواد د كرنټ اكاٶنټ زيان سره مخ وي نو بيا به قرضې اخستل وي دې لپاره دډالرز په كمي قابو موندلو لپاره به مونږ ټول ممكنه اقدامات كوٶ٬ د هېواد وسائلو څخه استفاده به باوري كوٶ او د برآمداتو اضافې ته خاص پاملرنه روانه ده۔ وزيراعظم ووئيل پاكستان كښې چې كله سخت وخت راغلے نو زمونږ اولس د فراخدلۍ څرګندونه كړې٬ زه په اولس بشپړه باور لرم۔ ده ووئيل د اولس د اعتماد بحالۍ سره به ټېكسز وصولۍ زياتې شي۔ ده ووئيل حكومت د بچت پاليسۍ سره د وسائل بچت او د اولس باور زياتولو لپاره اقدامات كوي او زمونږ حكومت د ايوان صدر او وزيراعظم هاٶس په خرڅونو كښې 108 كروړه روپو څخه زيات كمې ممكن كړې دې دغسې چې د اولس د ټېكس پېسه په اولس خرڅ كړې شي چې ورسره به د اولس اعتماد بحال شي او د ټېكسونو آمدني به زياته شي۔ وزيراعظم ووئيل په ماضي كښې به د هېواد د مشرانو دورې ھغه وخت كامياب تصور كېدې كله چې به قرض ترلاسه كېدو خو مونږ له به دا ډول د ذهني غلامۍ خاتمه كول وي٬ هېواد به پخپلو پښو اودرول وي او كه پاك پروردګار ته منظور وي پاكستان به يو عظيم هېواد جوړ شي۔ د دې نه وړاندې د پرانستې دستورې ته خپله وېنا كښې وفاقي وزير خسرو بختيار ووئيل كوم ليډر چې د هېواد دړد لري هم ھغه د الېكشن نه لرې سوچ لري٬ د پاك پروردګار كرم دے كرم دے چې وزيراعظم عمران خان د سباٶن په سوچ په ښه ډول عمل كوي۔ ده ووئيل د وزيراعظم په مشرۍ كښې د پاكستان معيشت تل پاتې كېدونكے او مستحكم شوے او هيله ده چې پاكستان به په نړۍ كښې غوره مقام ترلاسه كړي