اسلام آباد ۔ 27 اگست (اے پی پی) قومی احتساب بیورو(نیب) دے چیئرمین جسٹس (ر) جاوید اقبال کوں ڈسایا گے جو نیب راولپنڈی نقلی بینک اکاﺅنٹس سکینڈل اچ سابق صدر آصف علی زرداری، فریال تالپور، عبدلغنی مجید، یونس قدوائی اتے حسین لوائی سمیت بئے بدعنوان عناصر دے خلاف بدعنوانی دے 6 ریفرنس دائر کیتے گن تے 13 ارب روپے توں ودھ رقم برآمد کرتے قومی خزانے اچ جمع کرائی اے ،41 ملزماں دے ناں ای سی ایل اچ پاتے گن ،21انکوائریاں اتے 12 انویسٹی گیشن جاری ہن ۔ نیب راولپنڈی تقریباً 51 ارب 46لکھ روپے توں ودھ مالیت دی املاک منجمد کیتن ۔اے گال چیئرمین نیب کوں نیب راولپنڈی دے دورے دے موقع تے ڈسائی گئی اے ۔ ڈائریکٹر جنرل نیب راولپنڈی عرفان نعیم منگی اتے انہاں دی ٹیم چیئرمین نیب کوں نقلی بینک اکاﺅنٹس سکینڈل کیس متعلق بریفنگ ڈتی۔ ایں موقع تے گال مہاڑ کریندے ہوئیں چیئرمین نیب جسٹس جاوید اقبال آکھیا جو نیب افسران کہیں دے دباﺅ کوں خاطر اچ گھن آئے بغیر کم کرن۔انہاں ایں عزم دا اعادہ کیتا جو سارے مقدمیں ملزماں دے سماجی رتبے کوں ڈیکھ تے نبیڑے ونجن ۔ انہاں آکھیا نیب افسران بااثر لوکاں دے خلاف وائٹ کالر کرائم دے مقدمیں نبڑیندے پن تاں جو ہر ملزم دا احترام کیتا ونجے تے ایندے تے لاتے گے الزام تے اپنڑاں موقف پیش کرنڑ دا پورا موقع ڈتا ونجے ۔
قومی احتساب بیورو دے چیئر مین جسٹس ریٹائرڈ جاوید اقبال دا نیب راولپنڈی دا دورہ ،بریفنگ ڈتی گئی
مضمون کا ماخذ : لاٹری کے سستے ٹکٹ
متعلقہ مضامین
