اسلام آباد ۔ 28 اگست (اے پی پی) قومی اسمبلی سیکرٹریٹ پارلیمنٹ دے مشترکہ اجلاس نال صدرمملکت ڈاکٹر عارف علوی دے خطاب دے حوالے نال سارے انتظامات کوں حتمی شکل ڈے ڈتی اے ،ایں سلسلے اچ سارے مہماناں کوں دعوت نامے بھیج ڈتے گن ۔قومی اسمبلی سیکرٹریٹ دے ترجمان دے مطابق پارلیمنٹ دے ڈوہیں ایواناں نال صدر مملکت دا خطاب (کل) جمعے کوں شام 5 وجے تھیسی جیں نال موجودہ قومی اسمبلی دے ڈوجھے پارلیمانی سال دا باقاعدہ آغاز تھیسی، قومی اسمبلی سیکرٹریٹ آئینی اداریں دے سربراہیں ، ترائی مسلح فوج دے سربراہ ، سفارتکاراں، سمیت اہم شخصیات کوں دعوت نامے بھیج ڈتے گن، سکیورٹی انتظامات دے حوالے نال سارے ارکان پارلیمنٹ اتے وفاقی وزراءکوں ہدایت کیتی گئی اے جواو اپنڑے رلے کہیں مہمان کوں نہ گھن آون تے نہ کہیں رکن پارلیمنٹ یا وفاقی وزیر دے گارڈز کوں پارلیمنٹ دی حدود اچ داخلے دی اجازت ہوسی، سارے ارکان پارلیمنٹ سمیت مہماناں دیاں گاڈیاں دی سخت چیکنگ کیتی ویسی ، پارلیمنٹ اچ سارے معزز مہماناں ، ارکان پارلیمنٹ اتے ڈیوٹی تے موجود عملے کیتے پارکنگ مختص کرڈتی گئی اے ۔ واضح رہے جو آئین دے آرٹیکل 54دے تحت ہر پارلیمانی سال صدر مملکت مشترکہ اجلاس نال خطاب نال تھیندے ، صدرمملکت سینیٹ اتے قومی اسمبلی کوں پورے پارلیمانی سال کیتے اپنڑے خطاب دے ذریعے رہنمائی فراہم کریندن۔
پارلیمنٹ دے مشترکہ اجلاس نال صدرمملکت دے خطاب دے حوالے نال سارے انتظامات کوں حتمی شکل ڈے ڈتی گئی ، سارے مہماناں کوں دعوت نامے بھیج ڈتن
مضمون کا ماخذ : کمپیوٹر لاٹری لائیو
متعلقہ مضامین
