راولپنڈی۔ 14 ستمبر (اے پی پی) مغربی سرحد تے دہشتگرددں دی فائرنگ دے 2 مختلف واقعات اچ 4 فوجی جوان شہید اتے ہک ذکمی تھی گئے۔آئی ایس پی آر موجب شمالی وزیرستان اچ ابا خیل سپن وام دے نیڑے شرپسنداں سکیو رٹی فورسز دی گشت تے گئی پارٹی تے حملہ کیتے جیں پاروں بلتستان دا رہائشی 23سالہ سپاہی اختر حسین شہید تھئے۔پاک فوج دی جوابی کارروائی اچ ڈو دہشتگرد ماریے گین۔ہک بئے واقعے اچ دیر اچ پاک افغان سرحد تے باڑ لاونڑ آلے جواناں تے سرحد پار توں دہشتگرداں فائرنگ کیتی جیندے نال 3سپاہی شہید اتے ہک زخمی تھی گیا۔شہیداں اچ 28سالہ لانس نائیک سید امین آفریدی ساکن ضلع خیبر، 31 سالہ لانس نائک محمد شعیب سواتی ساکن ضلع مانسہرہ، 22 سالہ سپاہی کاشف علی ساکن نوشہرہ شامل ہین۔
مضمون کا ماخذ : گرم سے زیادہ گرم
