اسلام آباد 30 نومبر(اے پی پی) د پاكستان او اروپائي ائتلاف ترمينځه د سفارتي اړيكو د قيام 60 كاله بشپړېدو په مناسبت سره برسلز كښې د عكسونو نندارتون اهتمام شوے ۔په اروپائي ائتلاف كښې د پاكستان مشن د يوربين ايكسټرنل ايكشن سروس په مرسته دا نندارتون وشو۔د نندارتون پرانسته لنډ مهاله خارجه سېكرټري جوهر سليم وكړه څوك چې د پاك يورب پولټيكل ډائيلاګ 8م پراؤ لپاره د برسلز په دوره دے۔د پرانستې په دستوره كښې د اروپائي ادارو چارواكو٬سفارت كارو٬دانشورو او د مېډيا كسانو ګډون وكړو۔د خارجه دفتر وياند له مخې په نمائش كښې د پاكستان د تاريخ٬ورثه٬فن تعمير٬د سېلګرۍ حايونو د لوبو سره سره مذهبي او كلتوري تنوع عكاسي وكړې شوه۔په دې موقع لنډ مهاله خارجه سېكرټري جوهري سليم د پاكستان او اروپائي ائتلاف ترمينځه په دوه اړخيزه اړيكو كښې د مثبت پېشرفت او سياسي٬اقتصادي او تجارتي څانګو كښې زياته شوې شراكتداري هم رامخې ته كړه۔ده د سټرټيجك انګيجمنټ پلان له مخې د پاكستان او اروپائي ائتلاف اړيكو ته لا پراختيا وركولو په پراخه امكانات هم زور راوړو
د پاكستان او اروپائي ائتلاف ترمينځه د سفارتي اړيكو د قيام 60 كاله بشپړېدو په مناسبت برسلز كښې د عكسونو نندارتون
مضمون کا ماخذ : اسکریچ کارڈ نمبر
متعلقہ مضامین
