اسلام آباد 27 اکتوبر (اے پي پي) نګران وزيراعظم انوار الحق کاکړ وئيلي دي په جمو و کشمير كښې هندي اقدامات د ملګرو ملتونو د سلامتي كونسل د اړوندو قراردادونو او د څلورم جنيوا کنونشن نېغ په نېغه خلاف ورزي ده ،وزيراعظم انوار الحق کاکړ ووئېل هند د 27م اكتوبر كال 1947 راهسې په غېر قانوني توګه په مقبوضه جمو و كشمير خپله غاصبانه قبضه برقرار ساتلې ده٬ كشميريان د درېو پېړۍ راهسې د ملګرو ملتونو د غېر جانبدارانه استصواب رائے لوظ ترسره كولو په انتظار دي، نړيواله ورورولي اوس خپلو ذمه وارو څخه سترګې نشي پټولې، هندي واكمنو له د 5م اګست كال 2019 يو اړخيزه او غېر قانوني اقدامات بېرته اخستل پكار دي ٬ نګران وزيراعظم انوار الحق کاکړ د 27م اکتوبر كال 2023 ” د تورې ورځ” په اړه خپل پېغام كښې ووئيل نن د جمو و كشمير په لويه برخه د هند د غاصبانه قبضې 76 كالونه پورا شول۔ ده ووئيل په تېرو 76 كالو كښې هند په مقبوضه جمو و كشمير خپله غېر قانوني حكمراني په ځاے ساتلو له مختلف چالونه چلوي خو هند په پنځم اګست كال 2019 يو ناوړه كمپائن پېل كړو چې له مخې ئې كشميريان په خپله خاوره په بې اختياره ټولنه بدل كړلے شول ٬ ده ووئېل هند دغه ناوړه عزائم عملي كولو لپاره يو شمېر اقدامات كړي او دا غېر قانوني٬ غېر جمهوري اقدامات د ملګرو ملتونو د سلامتي كونسل د اړوندو قراردادونو او د څلورم جنيوا كنونشن نېغ په نېغه خلاف ورزي ده۔ وزيراعظم ووئيل نن كشمير د نړۍ يوه داسې منطقه ده چرته چې زيات قابض پوځ تعينات دے، د کشميريانو حقيقي نمائندګان كلونو راهسې د تورو تنبو شا ته دي٬ ده ووئېل جبر پټولو او اختلاف رائے د پښو لاندې كولو لپاره په ميډيا بنديزونه لګولے كېږي٬ د تېرو درېو لسيزو راهسې په زرګونو بې ګناه كشميريان چې پكښې مېرمنې او ماشومان شامل دي د هند د بربريت په سبب شهيدان شوي خو بيا هم هند د كشميريانو د خپلواكۍ هلې ځلې غلې كولو كښې پاتې راغلے دے۔ ده ووئيل هندي واكمنو له به په جمو و كشمير كښې د بشري حقونو سنګينې خلاف ورزۍ بندول وي او د ملګرو ملتونو د سلامتي كونسل په اړوندو قراردادونو به عمل كول وي۔ وزيراعظم ووئيل پاکستان لكه د تل خپلو كشميريانو وروڼو سره اوږه په اوږه ولاړ دے، پاکستان به د کشميريانو د خپلواكۍ د ناقابل تنسيخ حق ترلاسه كولو لپاره د دوي په سپېځلو هڅو كښې اخلاقي، سفارتي او سياسي مرسته روانه ساتي
په جمو و کشمير كښې هندي اقدامات د ملګرو ملتونو د سلامتي كونسل د اړوندو قراردادونو او د څلورم جنيوا کنونشن نېغ په نېغه خلاف ورزي ده۔ د نګران وزيراعظم انوار الحق کاکړ د تورې ورځ په موقع پېغام
مضمون کا ماخذ : estratégias loteria وفاقی
متعلقہ مضامین
