اسلام آباد 27 اپرېل (اے پي پي) د اطلاعاتو او خپرونو وفاقي وزير مريم اورنګزېب د وزيراعظم د دوه اونيو د كاركردګۍ جاج وړاندې كړے، ووړه ، چيني، غوړي اولس ته په ارزانه بېعه وركړې پېل شوې، وزيراعظم شهباز شريف د چينې بېعه د 85 روپو نه كمولو سره 70 روپې او د ووړو د 10 كلو بېعه د 550 نه كمولو سره 400 روپې كړې وه. د شورو په ورځ په خپل يو بيان كښې هغې ووئيل چې په څلور كاله كښې ګراني لوړې كچې ته رسول شوې وه او اوس پكښې كمې روان شوے دے. هغې ووئيل چې وزيراعظم شهباز شريف په دوه اونيو كښې هغه كارونه كړي دي د كومو چې عمران خان په څلور كاله كښې سوچ هم ونه كړے شو. هغې ووئيل چې وزيراعظم په دوه اونيو كښې د برېښنا بند په 27 كښې 20 پېداواري يونټس فعاله كړي دي. د برېښنا كارخانې چلولو لپاره د تېل او ګاز ريكارډ اقدامات شوي دي. كارخانې بېرته بحال كېدل پېل شوي دي. د څلورو كلونو نه بند د اسلام آباد د مېټرو پروژه په څلورو ورځو كښې پېل كړې شوې ده او د پراخا كولو ئې فزېبلټي جوړول پېل كړې شوي دي. په موټروے د مېټرو سټېشن جوړولو اقدام شوے. په بهاشا بند د كار رفتار ګړندے كړے شوے، د بند د كال 2029م په ځائ په كال 2026م كښې د پوره كولو وخت وركړې شوې. وزيراعظم ځائي آبادې لپاره د جديد روغتون فزېبلټي تيارولو حكم كړے، ده د خضدار كچلاك لوئې د سېكشن 1 او سېكشن 2 د بنياد تيګه ايښې ده. د دې نه علاوه وزيراعظم د بلوچستان ځوانانو لپاره د جديد ټېكنيكل پوهنتون د پروژې اعلان كړے. وزيراعظم په كوئټه كښې هم د مېټروس سروس د فزېبلټي تيارولو حكم كړے. وزيراعظم د بلوچستان غريب پنځه لكه خلقو سره د بېنظير انكم سپورټ پروګرام څخه د مرستې كولو اعلان كړے.
د اطلاعاتو او خپرونو وفاقي وزير مريم اورنګزېب د وزيراعظم د دوه اونيو د كاركردګۍ جاج وړاندې كړو، اولس ته د ارزانو څيزونو وركړه پېل شوې، وزيراعظم په دوه اونيو كښې هغه كارونه كړي دي د كومو چې عمران خان په څلور كاله كښې سوچ هم ونه كړے شو. مريم اورنګزېب
مضمون کا ماخذ : را کی کتاب
متعلقہ مضامین
