اسلام آباد ۔ 16 جنوری (اے پی پی) وفاقی وزیر پٹرولیم ڈویژن غلام سرور خان نال سی ای او ایگزون موبل ارتضی سیّد نال ملاقات کیتی اتے انڈس جی بلاک تے کم دی صورتحال بارے ڈسایا۔انہاں ڈسایا جو ایگزون موبل کھوہ دی سپڈنگ(کھوہ کھٹنڑدا کم ) شروع کرڈتے جیندا قطر 18 توں 24 انچ اے،اتھاں 1900 میٹر دی گہرائی اے تہوں اے الٹرا ڈیپ ایکسپلوریشن اے۔ ایں بلاک نال مارچ توں اپریل تئیں پہلی خوشخبری ملسی کیوں جو ڈرلنگ 24 گھنٹے جاری اے۔مارچ اچ ایگزون موبل نمونہ جانچ کےتے ہوسٹن بھجیسی اتے ای این آئی نمونہ جانچ کیتے میلان بھیجیا ویسی۔اپریل مئی تئیں پتا لگ ویسی جو کھوہ اچ گیس ہے یا تیل ؟ امکان اے جو اے دریافت سوئی فیلڈ جتنی وڈی ہوسی جینداذخیرہ اندازاً 3توں 8 ٹریلین کیوبک فٹ تھی سگدے۔ اے ذخیرہ پاکستان اچ گیس دے کل ذخیرے دا 25 توں 40 فیصد ہوسی۔ ای این آئی دی ریگ شپ، سیپم، کراچی دے جنوب مغرب اچ 230 کلو میٹرتے ہے جتھاں پانڑی دی گہرائی 13 سو میٹرتئیں ہے۔اتھاں ایکسپلوریشن دے بعد روزگاردے چنگے موقع نکلسن،جیکر اے دریافتاں کامیاب رہیاں تاں ایگزون موبل بئے کھوہ وی کھٹیسی۔وفاقی وزیر غلام سرور خان ایگزون موبل کوں آن شور ایکسپلوریشن دی وی دعوت ڈتی۔
وفاقی وزیر پٹرولیم ڈویژن نال سی ای او ایگزون موبل ارتضی سیّد دی ملاقات
مضمون کا ماخذ : کمپیوٹر لاٹری کا جیک پاٹ
متعلقہ مضامین
