اسلام آباد۔2دسمبر (اے پی پی):وزیر اعظم دے مشیر داخلہ واحتساب بیرسٹر شہزاد اکبر آکھیے جو اسحاق ڈار انٹرویو اچ بے نقاب تھی ڳئن ۔سحاق ڈار جائیداد متعلق کوڑ ماریے ،انہاں دی پاکستان اچ کئی جائیداداں ہن ۔ملتان اچ اپوزیشن دا جلسہ کائناں جلسی ہئی ، اپوزیشن ناکام کوششاں کریندی پئی اے ۔ گلگت بلتستان دے انتخابات اچ کامیابی نال ثابت تھی ڳے جو پی ٹی آئی ایں ویلھے ساریں توں ودھ مقبول جماعت اے نواز شریف اتے اسحا ق ڈار کوں وطن واپس گھن آوݨ کیتے اقدامات کریندے پیوں ۔اے ڳالھ انھاں وزیراعظم دے معاون خصوصی سیاسی امور ڈاکٹر شہباز دے رلے پریس کانفرنس کریندے ہوئیں آکھی اے ۔شہزاد اکبر آکھیے جو اسحاق ڈار ہک ملزم ہن۔ انھاں کوں واپسی کیتے درخواست وی کیتی ڳی اے ۔اسحاق ڈار برطانیہ اچ سیاسی پناہ دی درخواست ݙتی اے ۔نواز شریف ہک مجرم ہن او وزٹ ویزہ تے برطانیہ ڳن ۔برطانوی حکومت نال رابطہ کیتے تے خط وی بھیجے خط اچ نواز شریف کوں پاکستان ڈیپورٹ دا مطالبہ کیتا ڳے ۔نواز شریف دے ویزے کوں کینسل کرݨ دا وی خط اچ آکھیا ڳے ۔وزیر اعظم دے معاون خصوصی سیاسی امورڈاکٹر شہباز گل آکھیے جو مریم نواز پیر کھبݨ دی ڳالھ کریندی اے ،کل اسحاق ڈار دا کوئی پیر پکڑ تے ݙیکھدا تاں پتہ لڳدا جو پیر کیں دے کنبدن ۔پاکستان دے دشمن کوشش کریندے پن جو پاکستان کوں فاشسٹ ملک ڈکلیئر کرایا ونڄے ۔اے وی پاکستان کوں فاشسٹ ملک قرارݙیوݨ دی کوشش کریندے پن جیں اچ انہاں کوں ناکامی دا سامݨاں کرݨاں پیا ۔
