اسلام آباد۔17 فروری(اے پی پی)صدر مملكت ډاكټر عارف علوي چيف اليكشن كمشنر سكندر سلطان راجه ته د ټاكنو په اړه مشاورت لپاره د فرورۍ په 20مه نېټه ايوان صدر كښې كېدونكې بېړنۍ غونډه كښې د ګډون كولو بلنه وركړې۔ د اليكشنز ايكټ 2017 سيكشن 57(1)له مخې صدر مملكت به د ټول ټاكنو د تاريخ يا د تاريخونو اعلان الېكشن كمېشن آف پاكستان سره د مشاورت نه پس كوي۔د ايوان صدر پرېس ونګ له مخې د چيف الېكشن كمشنر په نامه په خپل خط كښې صدر مملكت وئېلي دي چې د هغه د فرورۍ 8مې نېټې د خط نه پس په دې معامله د لاهور هائي كورټ پرېكړې او د سپريم كورت د اوسنو مشاهدات په څير مهم پېشرفت شوې۔ صدر مملكت د خپل وړومبي خط د ټاكنو كميسون لخوا د ځواب په نه ترلاسه كېدو ناراضګي ښكاره كولو سره ووئيل چې هغه بې قرارۍ سره انتظار كولو چې الېكشن كمېشن به د خپلو آئيني فرائضو احساس وكړي او ددې له مخې به كار وكړي۔ ده ووئيل په دې معامله مونږ ته د الېكشن كمېشن په افسوسناكه رويه سخته مايوسي شوې ده۔ په خپل خط كښې صدر ووئيل چې د آئين د تحفظ او دفاع خپلې آئيني ذمه وارۍ احساس كولو سره چيف الېكشن كمشنر ته په خپل دفتر كښې د فرورۍ په 20مه نېټه كېدونكې بېړنۍ غونډه كښې د ګډون كولو بلنه وركوم
د صدر مملكت ډاكټر عارف علوي چيف اليكشن كمشنر ته خط٬ د ټاكنو په اړه مشاورت لپاره د بېړنۍ غونډې بلنه
مضمون کا ماخذ : کمپیوٹر لاٹری لائیو
متعلقہ مضامین
