اسلام آباد ۔ 22 جولائی (اے پی پی) صدر مملکت ڈاکٹر عارف علوی نیشنل کمانڈ اینڈ آپریشن سنٹر (این سی او سی) دا دورہ کیتے جتھاں انہاں دا استقبال این سی او سی دے نیشنل کوآرڈینیٹر لیفٹیننٹ جنرل حمود زمان خان کیتے۔صدر دے نال وفاقی وزیر برائے قومی تحفظ و تحقیق سیّد فخر امام، وفاقی وزیر برائے مذہبی امور و بین المذاہب ہم آہنگی پیر نور الحق قادری، چیئرمین این ڈی ایم اے لیفٹیننٹ جنرل محمد افضل اتے سرجن جنرل لیفٹیننٹ جنرل نگار جوہر وی موجود ہن۔معاون خصوصی قومی صحت ڈاکٹر ظفر مرزا اتے صوبائی چیف سیکرٹریز ویڈیو لنک نال اجلاس اچ شرکتک کیتی۔ صدر مملکت ڈاکٹر عارف علوی کوں وفاقی وزیر برائے منصوبہ بندی، ترقی اتے خصوصی اقدامات اسد عمر اتے ڈائریکٹر جنرل آپریشن اینڈ پلاننگ، این سی او سی میجر جنرل آصف محمود گورئیہ کورونا وائرس دی صورتحال، این سی او سی دے فیصلاں تے عملدرآمد، کورونا وائرس کوں کھنڈنڑ توں روکنڑ کیتے وفاق اتے ساریاں اکائیاں دے گانڈھے تے بریفنگ ڈتی۔ صدر مملکت وباءدا موثرمقابلہ کرنڑ اتے پورے ملک اچ مربوط اقدامات تے این سی او سی دی تعریف کیتی اتے آکھیاجو روزانہ دی صورتحال دی مانیٹرنگ دی بنیاد تے صحت دے نظام اچ چنگائی، چنگی ریسورس مینجمنٹ اتے مناسب ایس او پیزسانگے قابل بھروسہ ڈیٹا بیس، صحت سیفٹی پروٹوکول/رہنما اصول سودھا بیماری دے خلاف جنگ اچ این سی او سی ودھ چڑھ تے کم کیتے۔ ڈاکٹر عارف علوی آکھیا جو کرونا اچ کمی آندی پئی اے بھل عوام اتے انتظامیہ کوں ایندے تے مطمئن باھونڑ دی بجائے چارے صوبیاں اچ حفاظتی رہنما اصولاں تے عمل جاری رکھنڑا ہوسی،وڈی عید اتے محرم اچ وی ایس او پیز تے سختی نال عمل کیتا ونجے۔
صدر مملکت ڈاکٹر عارف علوی دا نیشنل کمانڈ اینڈ آپریشن سنٹر دا دورہ،وفاقی وزیر اسد عمر اتے ڈی جی این سی اوسی دی کورونادی صورتحال،مختلف فیصلیاں تے عملدرآمداتے بئے معاملیاں تے بریفنگ
مضمون کا ماخذ : Raging Rhino
متعلقہ مضامین
