اسلام آباد 25 جولائي (اے پي پي) پاکستان د هند د دفاع وزير د جمو و كشمير په يوه دستوره كښې غېر ضروري او په بشپړه توګه ناقابل قبول بيان مسترد كولو سره د دې بيان په سختو ټكو غندنه كړې ده ۔ د خارجه دفتر وياند لخوا د جاري بيان له مخې د هند د دفاع وزير خپل ريمارکس كښې د جمو و كشمير شخړې په اړه تاريخي حقائق ناسم وړاندې كولو سره په پاکستان بې بنسټه تورونه لګولي او پاكستان ته ئې دړكې وركړې دي۔ وياند ووئيل دا وړومبۍ موقع نه ده چې د هند يو سينئر سياست مدار په قابض جمو و کشمير سيمه كښې د اولس جائز، ځائي او د آزادۍ په سپېځلو هلو ځلو د تنقيد كولو هڅه كړي وي۔ وياند ووئيل د هند د سياسي كسانو اشتعال انګيز بيانونه د مقبوضه کشمير حقيقت بدلولې نه شي۔ وياند ووئيل هند د دې خبرې بايد جاج واخلي چې د سختو قوانينو نفاذ، كشمير وادي تر څو لسيزو په پوځي محاصره كښې د ساتلو٬ د زرګونو په شمېر د كشميريانو او د دوي د حقيقي نمائندګانو بندي كول او د لكهونو نه زيات كشميريانو د بې درېغه قتل باوجود هند د كشميريانو د آزادۍ جذبه ولې خاموش نه كړې شوه او بله دا چې د كشميريانو په زړونو كښې د آزادۍ شمع بله ده۔ وياند ووئيل هند ته د تاريخ نه يوې ياد دهانۍ ته اړتيا ده چې جمو و كشمير په نړيواله كچه يوه منلې شوې شخړه ده كومه چې د ملګرو ملتونو په اېجنډه موجود ده او د دې حل د ملګرو ملتونو د سلامتي كونسل په اړوند قراردادونو په عملدرآمد كښې مضمر دے۔ وياند د دې خبرې پخلې وكړو چې پاكستان به د كشميريانو د خپلواكۍ حق ترلاسه كولو لپاره د دوي په سپېځلې هلو ځلو كښې بشپړه مرسته كوي۔ وياند ووئيل پاكستان نړيوالې ورورولۍ څخه هم غوښتنه كوي چې ھغه دې هند په كشميري اولس د جاري ظلمونو او په مقبوضه سيمه كښې آبادياتي ډھانچه د بدلولو د غېر قانوني هلو ځلو نه منع كولو اقدامات وكړي۔ وياند ووئيل پاكستان د سيمه ايز امن او استحكام پلوي دې او دې سره سره مونږ د هر ډول جارحانه عزائمو ناكامه كولو بشپړه صلاحيت هم لرو او بله دا چې د ماضي قريب پشمول په يو شمېرو موقعو مونږ په دې لړ كښې د خپل عزم او صلاحيت څرګندونه كړې ده
پاکستان د هند د دفاع وزير بې بنسټه بيانونه مسترد كوي٬ هندي وزير د جمو و كشمير شخړې پحقله تاريخي حقائق ناسم وړاندې كړي۔ د خارجه دفتر وياند
مضمون کا ماخذ : دیگر کلیدی الفاظ
متعلقہ مضامین
