اسلام آباد ۔ 18 مئی (اے پی پی) قومی اسمبلی آندے مالی سال دے بجٹ 2018-19ءدے اعداد و شمار کوں آئینی تحفظ فراہم کرنڑ سانگے مالیاتی بل 2018ءدی ??نظوری ڈے ڈتی اے جڈاں جووفاقی وزیر خزانہ مفتاح اسماعیل آکھیا جو بجٹ خسارہ 1890 ارب روپے اے ‘ایں حوالے نال اپوزیشن دے بیان کیتے گے اعداد و شمار درست کائنی‘ بجٹ اچ مڈل اتے لوئر مڈل کلاس سانگے 118 ارب روپے دا ٹیکس ریلیف ڈتا گیا ہے‘ ارکان پارلیمنٹ دی ??نشن دے معاملے تے قانون سازی آندی اسمبلی تے چھوڑ ڈتی ونجے ‘ پٹرولیم لیوی دی 30 فیصد حتمی حد مقرر کرڈتی گی اے ۔ جمعے کوں قومی اسمبلی اچ سپیکر سردار ایاز صادق مالیاتی بل 2018ءدیاں بقیہ شقاں دی شق وار منظوری دا عمل شروع کیتا۔ بل دیاں کجھ شقاں اچ وزیر خزانہ مفتاح اسماعیل اتے اپوزیشن ارکان ترمیماں پیش کیتیاں ۔ ایندے توں پہلے خمیس کوں وزیر خزانہ مفتاح اسماعیل تحریک پیش کیت?? جو مالیاتی بل 2018ءتے وختی غور کیتا ونجے جیں دی اپوزیشن ارکان ولوں مخالفت کیتی گی۔ ارکان ولوں چاتے گے نکتے دا جواب ڈیندے ہوئیں وزیر خزانہ مفتاح اسماعیل آکھیا جو پٹرولیم لیوی دی شرح اچ ودھارا کائنی کیتا گیا بلکہ اپر کیپ ودھاونڑ دی گال کیتی گی اے ۔انہاں آکھیا لیڈر آف اپوزیشن دے ترائے ٹریلین توں ودھ خسارے دی گال درست کائنی ۔ بجٹ دا خسارہ 1890 ارب روپے ہوسی۔ ایں طرح نفیسہ شاہ درآمدات اتے برآمدات اچ خلیج ودھنڑ دی ج??رھ?? گال کیتی اے او درست کائنی لیکن اساڈے پاسے صورت حال بہتر کرنڑ سانگے اقدامات کیتے ویندے پن ۔ قومی اسمبلی توںمالیاتی بل 2018تے غورکرنڑ دی تحریک دی ??نظوری دے بعد ڈ??ٹی سپیکر بل دی شق وار منظوری سانگے ایوان اچ پیش کیتا ،۔بل دیاں شقاں اچ اپوزیشن ولوں ڈاکٹر عذرا فضل‘ صاحبزادہ طارق اللہ‘ شگفتہ جمانی‘ شازیہ مری اتے بئے اپوزیشن ارکان ولوں ترمیماں پیش کیتیاں گیاں ج??رھ??اں جو ایوان مسترد کر ڈتیاں وزیر خزانہ مفتاح اسماعیل اتے سید نوید قمر دی چیئرمین سینیٹ ‘ سپیکر ‘ ڈ??ٹی چیئرمین سینیٹ اتے ڈ??ٹی سپیکر دیاں مراعات سمیت بیاں ترمیم دی ??ومی اسمبلی بل اچ شامل کرنڑ دی ??نظوری ڈتی اے ۔ ایں طرح قومی اسمبلی مالیاتی بل 2018دی ??نظوری ڈے ڈتی۔
قومی اسمبلی آندے مالی سال دے بجٹ 2018-19دے مالیاتی بل 2018دی منظوری ڈے ڈتی ایوان وفاقی وزیر خزانہ مفتاح اسماعیل اتے سید نوید قمر دی ترمیم دی منظوری ڈتی جڈاں جو بے اپوزیشن دے ارکان دیاں ترمیماں مسترد کر ڈتیاں گیاں
مضمون کا ماخذ : جنگل وائلڈ
متعلقہ مضامین
.jpg)
