اسلام آباد۔17ستمبر(اے پی پی)وزیر اعظم محمد شہباز شریف پوری امت مسلمہ خاص کر پاکستانی عوام کوں عید میلادالنبی دی مبارک ݙیندے آکھیے جو ??مت مسلمہ اتے پاکستان دے چیلنجاں دا حل نبی اکرم صلی اللہ علیہ وسلم دی تعلیمات نال جڑیا ہوئے، ساکوں اپݨے ڄھیڑے مکا تے ملک و قوم دی ترقی کیتے ہک مٹھ تھیوݨا ہوسی۔ اے ڳالھ انہاں اڄ منگل کوں 12 ربیع الاول تے اپݨے سنیہے اچ آکھی۔ انہاں آکھیا جو پوری امت مسلمہ خآص کر پاکستانی عوام کوں نبی آخرالزماں حضرت محمد صلی اللہ علیہ وسلم دی ڄمݨ ݙینھ سانڳے عید میلاد النبی ٻہوں مبارک ہووے?? اے او ݙینھ اے ڄݙاں اللہ تعالی روز محشر تئیں بنی نوع انسان دی رہنمائی کیتے پوری انسانیت کوں ہک کامل ہدایت دا نور ݙتے، حضرت محمد صلی اللہ علیہ وسلم دی مبارک زندگی، انہاں دی سیرت طیبہ اتے کردار ساݙے کیتے او رہنمائ?? اے جیندا سوڄھلا رہندے ڄڳ تئیں ہر انسان دی زندگی کیتے ہدایت دا ذریعہ رہسی، انہاں دا ہر عمل اتے فرمان ݙسیندے جو ??نسانیت کوں کیویں محبت، رواداری اتے انصاف دے اصولاں تے رہ تے ترقی دی راہ تے سٹیا ونڄ سڳدے۔ وزیراعظم آکھیا جو ??ڄ دے اوکھے دور اچ ساکوں نبی کریم صلی اللہ علیہ وسلم دی سیرت کوں نہ صرف پڑھݨ ٻھل ایندے تے عمل کرݨ دی لوڑھ اے، امت مسلمہ اتے پاکستان اڄ ڄیڑھے چیلنجز دا سامݨا کریندے پن، انہاں دا حل نبی اکرم صلی اللہ علیہ وسلم دی تعلیمات اچ موجود اے، انہاں ساکوں ا??حاد، محبت اتے ٻھرا ٻھرپی دی تلقین کیتی اتے اے اوہے اصول ہین جیڑھے معاشرتی اتے اقتصادی مسائل توں کݙھ سڳدن، آئو اساں اڄ اے عہد کروں جو ??ساں اپݨے اختلافات پچھو سٹ تے اپݨے ملک و قوم دی ترقی کیتے ہک مٹھ تھی تے کم کریسوں۔ وزیراعظم آکھیا جو نبی اکرم صلی اللہ علیہ وسلم ہمیشہ کمزوراں، یتیماں ا??ے ضرورت منداں دی مدد سکھائی، ساکوں انہاں دو توجہ فیوݨی چاہید?? اے ڄیڑھے ٻکھ، غربت اتے اوکھ وات ہین، ساݙی ذمہ دار?? اے جو ??ساں نبی پاک صلی اللہ علیہ وسلم دے ایں عمل کوں اپناون جیندے اچ او ہر حال اچ ٻنھاں دی مدد اتے فلاح کیتے ردھیے راہندن، ساکوں اپݨے مظلوم فلسطینی و کشمیری بھراواں ا??ے ٻھیݨیں کوں وی یاد رکھݨا چاہیدے ڄیڑھا ظلم و جبر دا سامݨا کریندے پن، غزہ اتے فلسطین اچ معصوم لوکاں تے تھیوݨ آلے مظالم اتے کشمیر اچ جاری انسانی حقوق دی پامالی دل ہلا ݙیوݨ آلے واقعات ہین، نبی اکرم صلی اللہ علیہ وسلم ہمیشہ انصاف، آزادی و حقوق انسانی دے تحفظ دی تعلیم ݙتی اتے اڄ ساکوں انہاں مظلوماں نال یکجہتی کریندے انہاں دے حق اچ اپݨی آواز چاوݨی چاہید?? اے، دعاگو ہیں جو ??للہ تعالیٰ اہل فلسطین اتے اہل کشمیر کوں آزادی اتے انصاف ݙیوے ??تے انہاں دا اوکھ دور کرے، سافا فرض اے جو ??ساں انہاں مظلوماں دے حق اچ ہر فورم تے آواز چائوں ا??ے عالمی برادری کوں انہاں دی حمایت دے راضی کرن، اڄ اساں اے عہد کروں جو نبی اکرم صلی اللہ علیہ وسلم دی تعلیمات کوں اپݨے ڄیون دا حصہ ٻݨایسوں، ایں سانڳے معاشرے کوں ہک بہتر، مساوی اتے پرامن ڄاہ ٻݨیسوں، دعا اے جو ??للہ تعالی پاکستان کوں امن، ترقی و خوشحالی دا تھمبا ٻݨاوے ??تے اساں ساریاں کوں نبی کریم صلی اللہ علیہ وسلم دی سیرت تے عمل کرݨ دی توفیق ݙیوے۔
امت مسلمہ اتے پاکستان دے چیلنجاں دا حل نبی اکرم صلی اللہ علیہ وسلم دی تعلیمات نال جڑیا ہوئے، وزیر اعظم شہبازشریف
مضمون کا ماخذ : اسرار ریلز
متعلقہ مضامین
