د عمران ټولګي سره به روغه جوړه نه كېږي٬ حكومت د اولس د ځان او مال حفاظت لپاره اقدامات كوي۔ وفاقي وزيران

APP01-250522 ISLAMABAD: May 25 - Minister for State for Petroleum, Dr. Musadik Malik and Federal Minister for Power Engr. Khuram Destgir Khan addressing a press conference at PID Media center . APP photo by Saleem Rana

اسلام آباد 25 مئي (اے پي پي) د توان وفاقي وزير انجينئر خرم دستګير خان او د پټروليم وزير مملکت ډاکټر مصدق ملك وئيلي دي حكومت پرېكړه كړې چې د عمران ټولګي سره به روغه جوړه نه كېږي٬ حكومت د اولس د ځان او مال حفاظت٬ د رياست مضبوطيا٬ د اړي ګړي او فساد لاره نيولو لپاره اقدامات كوي، كه يو ګوند كركه او حقارت د خپرولو هڅه كوي٬ خلق د حكومت په ضد تشدد لپاره راپاروي٬ نو دا د آئيني بغاٶت په زمره كښې راځي٬ سوله ايز احتجاج د هر چا آئيني حق دے خو د اړي ګړي او فساد كولو به چا له اجازه ورنه كړو، د پاکستان سفارتي عزت عمران خان خاورې كړے٬ ماركيټ ته د تېلو ترسيل برقرار دے، سپلائي زياته شوې وه او مونږ د تېلو ذخيره لرو، عمران خان د صوبائي حکومت وسائل بې درېغه كاروي۔ د دې خيالاتو څرګندونه وفاقي وزيرانو پي آئي ډي كښې خبري كنفرنس ته خپلې وېنا كښې وكړه۔ وفاقي وزير انجينئر خرم دستګير خان ووئيل عمران خان په خپل اقتدار كښې ډېره ګراني راوستې وه ٬ اوس د فساد سره په اسلام آباد راخېژي، دا به د ھغه په اسلام آباد درېم بريد وي۔ ده ووئيل په كال 2014 كښې د عمران خان ټولګي په پي ټي وي بريد كړے ٶ او ادارې ته ئې د كروړونو زيان رسولے ٶ او هم دې لوټګي په پارلمان هم بريد كړے ٬ په ډي چوك كښې ئې د سول نافرمانۍ اعلان سره بل سوځولے ٶ٬ ده ووئېل په كال 2016 كښې مو د عمران خان بريد په شا تنبولے ٶ٬ نن هم ھغه حالات رامخې ته دي۔ ده ووئيل په كال 2019 كښې جسټس مشير عالم او فائز عيسيٰ د دهرنې پحقله پرېكړه كړې وه٬ فاضل ججز وئيلي وٶ چې په آئين كښې د وګړو د مال او ځان حفاظت ضرورې دے او دا اجتماع كوم انقلاب يا اړي ګړې لپاره استعمالېدې نشي٬ د پاکستان سړكونه لاريو لپاره استعمالېږي٬ نور وګړي د پښو لاندې كولو لپاره به د دهرنې اجازه نه وركوٶ۔ د يوې پوښتنې په ځواب وفاقي وزير ووئيل د اولس ځان او مال حفاظت لپاره نقل و حركت كم كړے شوے۔ د يوې پوښتنې په ځواب كښې وفاقي وزير ووئيل د پاکستان سفارتي عزت عمران خان خاورې كړے٬ او د دې عزت بحالۍ لپاره مو شپه او ورځ يوه كړې٬ ده ووئېل پاکستان كښې احتجاج سوله ايز پكار دے ٬ مونږ هم سوله ايز احتجاج كړے او د خونړي احتجام مو دړكه نه ده وركړې۔ د يوې پوښتنې په ځواب ډاکټر مصدق ملك په دې موقع ووئيل پخواني وزيراعظم عمران خان د منظورۍ نه غېر په پېټرول سبسډي وركړې ۔ ده ووئيل د عمران خان د پټرول پحقله چې كومه سبسډي وركړې وه د ھغې له مخې مو وړاندېزونه وزيراعظم شهباز شريف ته اېښودې دي

مضمون کا ماخذ : ہاٹ اسپن