راولپنڈی ۔ 31 جنوری (اے پی پی) پاک فوج دے میجر جنرل بابر افتخار اج ہفتہ یکم فروری کوں پاک فوج دے شعبہ تعلقات عامہ (آئی ایس پی آر) دے ڈائریکٹر جنرل دے عہدے دا چارج سنبھال گھنسن ، آئی ایس پی آر دی طرفوں 16جنوری کوں میجر جنرل بابر افتخار دی ڈی جی آئی ایس پی آر جڈاں جو میجر جنرل آصف غفور کوں جی او سی اوکاڑہ تقرری دا اعلامیہ جاری کیتا گیا ہئی ۔ پاک فوج دے ترجمان میجر جنرل بابر افتخاردا تعلق آرمڈ کور دی یونٹ 6 لانسر توں اے ، میجر جنرل بابر افتخار 1990 اچ فوج اچ کمیشن حاصل کیتا، او کمانڈ اینڈ سٹاف کالج کوئٹہ ،نیشنل ڈیفنس یونیورسٹی اتے اردن دے رائل کمانڈ اینڈ سٹاف کالج دے گریجویٹ ہن، میجر جنرل بابر افتخار دوران ملازمت کمانڈ اینڈ سٹاف پوزیشنز تے کم دا بہوں سارا تجربہ رکھیندن ، او بریگیڈ میجر، انفنٹری دے بریگیڈیئراسٹاف دے عہدے تے وی تعینات رہیے، میجر جنرل بابر افتخار آپریشن ضرب عضب دے دوران انفنٹری اتے آرمڈ بریگیڈ دی کمانڈ کیتی،او این ڈی یو اتے پی ایم اے اچ انسٹرکٹر دی خدمات وی سرانجام ڈے چکن۔ ترائے سال تئیں بطور ڈی جی آئی ایس پی آر دی خدمات سرانجام ڈیونڑ آلے میجر جنرل آصف غفور جمعے کوں ڈی جی آئی ایس پی آر دے عہدے دا چارج چھوڑڈتے جڈاں جو نویں تعینات تھیونڑ آلے میجر جنرل افتخار بابر اج ہفتے کوں ڈی جی آئی ایس پی آر دے عہدے دا چارج سنبھال گھنسن ۔
میجر جنرل بابر اج پاک فوج دے شعبہ تعلقات عامہ دے ڈائریکٹر جنرل دے عہدے دا چارج سنبھال گھنسن
مضمون کا ماخذ : اسلام آباد لاٹری
متعلقہ مضامین
