اسلام آباد ۔ 2 ستمبر (اے پی پی) فریضہ حج دی ادائیگی دے بعد ہک لکھ 22 ہزارتوں ودھ حجاج وطن واپس پج گن، 15 ستمبر تئیں حج دے بعد دا فلائٹ اپریشن مکمل کر گھدا ویسی ۔ وزارت مذہبی امور دے ترجمان دے مطابق حج دے بعد شروع تھیونڑ آلے فلائٹ آپریشن دے ذریعے ہنڑ تئیں 62 ہزار سرکاری جڈاں جو 60 ہزار پرائیویٹ سکیم دے حجاج کوں وطن واپس پجاڈتا گے ۔ اینویںمکة المکرمہ توں حج دے بعد 52 ہزار توں ودھ حاجیاں کوں مدینہ منورہ پجا ڈتا گے جیرھے اتھاں 8 ڈینھ رہنڑ دے بعد وطن واپس روانہ تھیسن ۔ ترجمان دے مطابق جدہ اتے مدینہ منورہ توں حاجیاں دی وطن واپسی کیتے پروازاں جاری ہن ۔سرکاری سکیم دے 19 ہزار حجاج مکہ اچ جڈاں جو 42 ہزار مدینہ منورہ اچ موجود ہن۔ ملک دے 10 ہوائی اڈیں دے ذریعے حج فلائٹ آپریشن 15 ستمبر تئیں جاری رہسی ۔
مضمون کا ماخذ : loteria instantânea
