نیویارک۔26ستمبر(اے پی پی) وزيراعظم شهباز شريف په ټوله نړۍ او په خاص توګه په يوکرېن او فلسطين کښې د جنګ بندۍ په حاجت زور راوړلو سره وئيلي دي چې که جنګونه بند نۀ کړې شول نو سباؤن به تياره وي، په فلسطين كښې په نسل كشۍ كولو دې د اسرائيلي مشرتابه احتساب وكړے شي او په اسرائيل د تجارت او وسلې په شمول د نورو بندېزونو لګولو وخت دے۔ ددې خيالاتو څرګندونده ده د ملګرو ملتونو د عمومي اسمبلۍ د ۷۹ مې غونډې په موقعه د سلامتي كونسل د “ليډر فار پيس” سرخط لاندې د اعلی كچې مباحثې ته خپل خطاب كښې وكړه۔ وزيراعظم شهباز شريف ووئيل سلوانيا ته د دې مباحثې په كولو مبارکي ورکوم٬ په مينځني ختيز، اروپا او هر ځاي کښې د جنګونو خپريدل، د نړۍ د طاقتونو ترمينځ تاؤ تريخوالې او غربت زياتيدل د ورلډ آرډر -نړيوال نظم- بنيادونو لپاره خطرناک دي ٬ مونږ تېر اتوار د سباؤن پېكټ منظور كړے دے ٬ مونږ له به په خپلو وعدو عمل كول وي كه داسې ونشي نو د جنګونو د لاسه به سباؤن تياره وي۔ ده ووئيل مونږ بايد اسرائيل په غزه کښې له نسل وژنې او په منځني ختيځ کښې د شخړو خپرولو څخه منع كړؤ٬ اوس وخت راغلے چې په اسرائيل د تجارت او وسلو په ګډون نور بنديزونه ولګولې شي٬ د فلسطيني اولس په ضد په كړې جرمونو د اسرائيلي مشرتابه احتساب وكړے شي۔ وزيراعظم شهباز شريف ووئيل په بېروت بمباري د سختې غندنې وړ ده۔ ده ووئیل د ملګرو ملتونو سلامتي كونسل دې په يوكرېن كښې جنګ بندۍ او سوله ییز حل لپاره بې پرې منصوبه جوړه كړي او چاته دې د کړکېچ زياتولو اجازه ورنکړي۔ ده ووئيل سلامتي كونسل د جمو و کشمیر پخوانۍ مسئله نوره نظرانداز كولې نه شي ٬ د جمو وكشمير مسئلې دلاسه نړيوال امن او سلامتيا ته خطرې پېښې دي٬ سلامتي كونسل دې په مقبوضه كشمير كښې د بنيادي انساني حقونو په لويه كچه د روانو سنګينو خلاف ورزيو نوټس واخلي او كشميري اولس ته د خپلواكۍ حق وركولو له دې د سلامتي كونسل په قراردادونو عمل وكړے شي۔ ده ووئيل د ملګرو ملتونو سلامتي كونسل دے افغانستان څخه او په خاص توګه د فتنة الخوارج ترهګرۍ خطرو يو وارې بيا رامخې مخنيوي پلو خاص پام وګرځوي۔ ده ووئيل سلامتي كونسل دې ترهګرۍ ته ماتې وركولو او د بهرنۍ لاس وهنې مخنيوي له افريقائي هېوادونو سره مرسته وكړي٬ د ملګرو ملتونو امن مشن دې لا فعاله كړې شي۔ ده ووئيل سلامتي كونسل دې د طاقت په غېر قانوني توګه د كارولو په ضد زيرو ټالرنس اعلان كړي او د اتومي او روايتي وسلو د نوي زغل مخنيوي له دې خپل كردار ترسره كړي۔ دغسې په نوې وسلو او د مصنوعي ذهانت په شمول په عصري ټېكنالوجۍ دې قابو وموندلے شي۔ نورو هېوادونو سره د مرستې په تناظر كښې ده ووئيل چې كله پاكستان راروان كال كښې سلامتي كونسل كښې خپل نشست سنبھال كړي نو په خپلو هدفونو به عمل وكړي۔
که جنګونه بند نۀ کړې شول نو سباؤن به تياره وي، په فلسطين كښې په نسل كشۍ دې د اسرائيلي مشرتابه احتساب وكړے شي: د وزيراعظم د “ليډر فار پيس” سرخط لاندې د اعلی كچې مباحثې ته خطاب
مضمون کا ماخذ : عمومی کلیدی الفاظ
متعلقہ مضامین
