اسلام آباد ۔ 29 مئی (اے پی پی) وزیر مملکت ریاستیں تے سرحدی امور (سیفران) شہریار خان آفریدی بدھ کوں پریس کانفرنس کریندے ہوئیں آکھیے جو آئین تے قنون توں ودھ رتے کوئی وڈا کائنی ، جیرھا اینکوں چیلنج کریسی ،ایندے خلاف قنون حرکت اچ آوسی۔انہاں آکھیا جو آئین مطابق عدلیہ اتے فوج دے خلاف گالھ نئیں کیتی ونج جا سگدی، پشتوناں کڈاہیں پاکستان دے خلاف نعرے نی لاتے ، اگر کہیں کوں تحفظات ہن تاں اساڈے بوہے مذاکرات سانگے کھلے ہن۔انہاں آکھیا جو علی وزیر اتے محسن داوڑ کوں اساں نال بہایا ، قائمہ کمیٹی دی چیئرمین شپ ڈتی، انہاں دی پیش کیتی گی 26ویں ترمیم اتفاق نال منظور کیتی گی۔انہاں آکھیاجواساں سابقہ فاٹا دی محرومیاں دور کرنڑ سانگے درد دل رکھیندوں، پاکستان دی سالمیت، قومی پرچم اتے فوج تے کوئی سمجھوتہ کائناں تھیسی۔انہاں آکھیا جوایف سی آر ورگا کالے قنون کوں مکاونڑ، چیک پوسٹاں اچ گھٹکی اتے بارودی سرنگاں صاف کرنڑ سمیت ڈوہائیں ارکاناں اتے فاٹا دے لوکیں دے مطالبات تے عملدرآمد کیتا گئے ۔
آئین تے قنون توں ودھ رتے کوئی وڈا کائنی ، جیرھا اینکوں چیلنج کریسی ،ایندے خلاف قنون حرکت اچ آوسی ,وزیر مملکت سیفران شہریار خان آفریدی دی پریس کانفرنس
مضمون کا ماخذ : بونانزا
متعلقہ مضامین
