اسلام آباد ۔ 10 جون (اے پی پی) خطے اچ امن و استحکام دے حوالے نال پاک افغان مذاکرات سانگے افغان وفد دا وزارت خارجہ دا دورہ کیتا،جتھا ںسیکریٹری خارجہ سہیل محمود افغانی وفددا استقبال کیتا۔ پاکستان اتے افغانستان وچال امن واستحکام دی حکمت عملی (اے پی اے پی پی ایس) دا پہلا جائزہ اجلاس وی تھیا۔ جیندے اچ سیکریڑی خارجہ سہیل محمود پاکستانی جڈاں جو افغانی نائب وزیر خارجہ جناب ادریس زمان افغانستان دی نمائندگی کیتی۔ پاکستان اتے افغانستان وچال مئی 2018 اچ’ اے پی اے پی پی ایس‘ بنڑی جیندا مقصد ڈوہائیں ملکاں وچال مختلف شعبیں اچ جامع اتے ادارہ جاتی ’فریم ورک‘ دے نظام اچ ڈوطرفہ تعاون کو ں ودھاونڑہا۔ مذاکرات اچ ’سیاسی تے سفارتی، دفاعی سطح تے تعاون، انٹیلی جنس تعاون، معیشت اتے مہاجراں دے حوالے نال گالھ مہاڑ تھیندی پی ہے۔ڈوہائیں فریقاں خطے اچ امن قائم کرنڑ سانگے سانجھے تعاون اتے اعتماد سازی کوں ودھاونڑ کیتے رل مل تے کوششاں کرنڑ تے اتفاق کیتا ۔اجلاس اچ ڈوہائیں ملکاں وچال طے تھیونڑ آلے امور، ہنڑ تئیں دی پیشرفت دا جائزہ وی گھدا گیا ،فریقین ڈو طرفہ تعاون کو ں بیا ودھاونڑ تے اتفاق کیتا۔
خطے اچ امن و استحکام دے حوالے نال پاک افغان مذاکرات سانگے افغان وفد دا وزارت خارجہ دا دورہ،پاکستان اتے افغانستان وچال امن تے استحکام دی حکمت عملی (اے پی اے پی پی ایس) داپہلا جائزہ اجلاس تھیا
مضمون کا ماخذ : raspadinha resultados
متعلقہ مضامین
