عالمی سطح تے کشمیریاں دا مقدمہ چنگے انداز اچ چاونڑ تے وززیراعظم دا شکریہ ادا کیتا
ہر سطح اتے ہر فورم تے کشمیریاں دی آواز چیندا رہساں،ظلم توں مثاتر تھیے بالاں،نینگراں اتے تریمتیں دی دی آوازاں عالمی ضمیر جھنجوڑ ڈتے،کشمیریاں کوں حق خودارادیت ملنڑ تئیں پاکستان ہر محاذ تے کشمیریاں دی اخلاقی،سفارتی،اتے سیاسی حمایت کریندا رہسی،وزیراعظم عمران خان
مظفرآباد ۔ 5 فروری (اے پی پی) وزیرِ اعظم عمران خان نال سید عبداللہ گیلانی اتے سید فیض نقشبندی دی قیادت اچ آل پارٹیز حریت کانفرنس دے وفدمظفر آباد اچ ملاقات کیتی۔وفد اچ عبدالمجید ملک، سید اعجاز رحمانی، شیخ محمد یعقوب ، عبدالمجید میر ، شیخ عبدالمتین اتے جاوید اقبال بٹ شامل ہن۔ایں موقع تے وزیر خارجہ مخدوم شاہ محمود قریشی، وفاقی وزیر برائے امور کشمیر علی امین گنڈا پور، کشمیر کمیٹی دے چیرمین سید فخر امام، وزیر اعظم آزاد جموں کشمیر راجہ فاروق حیدر اتے اسپیکر آزاد جموں کشمیر قانون ساز اسمبلی وی موجود ہن۔حریت کانفرنس دے وفد عالمی سطح تے کشمیریاں دا مقدمہ چنگے انداز اچ چاونڑ تے وززیراعظم دا شکریہ ادا کیتا۔وفد مسئلہ کشمیر کوں عالمی سطح تے بیا اجاگر کرنڑ بارے وزیراعظم کوں تجویزاں وی ڈتیاں۔وفد دے شرکاءآکھیا جو جینویں وزیراعظم عمران خان مظلوم کشمیریاں دی آواز بنڑین ،پوری کشمیری قوم انہاں دا شکریہ ادا کریندی اے۔وفد آکھیا جو مقبوضہ کشمیر دی عوام وزیراعظم عمران خان نال محبت کریندی اتے انہاں دے ناں دے نعرے لیندن۔کشمیری شہید تھیندے تاں پاکستان دے پرچم اچ دفن کیتا ویندے۔ایں موقع تے وزیراعظم عمران خان آکھیا جو ہر سطح اتے ہر فورم تے کشمیریاں دی آواز چیندا رہساں،ظلم توں مثاتر تھیے بالاں،نینگراں اتے تریمتیں دی دی آوازاں عالمی ضمیر جھنجوڑ ڈتے،کشمیریاں کوں حق خودارادیت ملنڑ تئیں پاکستان ہر محاذ تے کشمیریاں دی اخلاقی،سفارتی،اتے سیاسی حمایت کریندا رہسی۔
وزیرِ اعظم عمران خان نال سید عبداللہ گیلانی اتے سید فیض نقشبندی دی قیادت اچ آل پارٹیز حریت کانفرنس دے وفد دی ملاقات
مضمون کا ماخذ : لاٹری ٹکٹ کے نتائج
متعلقہ مضامین
