اسلام آباد 15جون(اے پی پی) د پاك پوځ د اولسي اړيكو څانګې﴿آئي اېس پي آر﴾ ډائرېكټر جنرل مېجر جنرل بابر افتخار وئيلي دي د وسله والو ځواكونو وياند په توګه مې د قامي سلامتيا كمېټې د غونډې په اړه سپيناوے كړے ؤ دا نه چې كوم سياسي بيان مې وركړے، په دې معامله د جوډيشل كميشن جوړولو اختيار حكومت سره دے، كه جوډيشل كميشن يا كوم هم فورم تشكيلولې شي او د ادارې په توګه به پوځ او اېجنسې مكمل مرسته كوي، اېجنسې دوه ځله د قامي سلامتيا كمېټې په فورم خپل ان پټ وركړے او واضحه كړې ئې ده چې د سازش كوم شواهد نشته. ده دا خبرې د شورو په ماښام نجي ټي وي چېنل سره په خپلو خبرو كښې وكړې. د آئي اېس پي آر ډي جي مېجر جنرل بابر افتخار ووئيل وړاندې مې هم څو ځله او تېره ورځ مې هم د قامي سلامتيا غونډې په اړه د وسله والو ځواكونو د وياند په توګه وضاحت كړے ؤ ځكه چې د پخواني حكومت د كورنيو چارو وزير د يو چېنل په پروګرام كښې وئيلي وو د قامي سلامتيا كمېټې په غونډه كښې چا نه دي وئيلي چې سازش نه دے شوے، ده ووئېل داسې معلومېده چې په غونډه كښې شريك د سروسز چيفس د نمائنده په توګه خبره كېږي ، د دې وضاحت كول ضروري وو او مونږ وضاحت وكړو، كوم سياسي بيان مو نه دے وركړے. ده ووئيل د قامي سلامتيا كمېټې غونډه دې لپاره رابللې شوې وه چې دې معاملې ته وكتلې شي، ځكه سروسز چيفس او د آئي اېس آئي ډي جي راوبلل شول. په دوهم ځل د آئي اېس آئي ډي جي د قومي سلامتيا كمېټې د غونډې ګډون كوونكو ته ووئيل چې د سازش كوم شواهد نشته.ده ووئېل د قومي سلامتيا د كمېټې غونډې نه پس په جاري شوې اعلاميه كښې هم د سازش لفظ شامل نه ؤ. د يوې پوښتنې په ځواب كښې ده ووئيل په دې حقله جوډيشل كميشن جوړول د پخواني حكومت اختيار هم ؤ او د اوسني حكومت اختيار هم دے. كه كوم جوډيشل كميشن يا كوم فورم تشكيلولې شي نو د ادارې په توګه به پوځ او اېجنسې د دغې مكمل مرسته كوي.
د وسله والو ځواكونو وياند په توګه مې د قامي سلامتيا كمېټې د غونډې په اړه سپيناوے كړے ؤ ، د جوډيشل كميشن يا د كوم هم فورم تشكيلولو په صورت به د ادارې په توګه پوځ او اېجنسې مرسته كوي. د آئي اېس پي آر ډي جي
مضمون کا ماخذ : تھنڈرسٹرک II
متعلقہ مضامین
