اسلام آباد 13 مئي (اے پي پي) د اطلاعاتو او خپرونو وفاقي وزير فواد چوهدري د اختر په ورځ د فلسطيني سفارت دوره وكړه او د پاكستاني وزيراعظم لخوا ئې فلسطيني اولس لپاره د يووالي پېغام ورسولو. په دې موقع وفاقي وزير چوهدري فواد حسېن ووئيل چې د دې اختر په موقع ټول پاكستانې قوم فلسطيني اولس سره ولاړ دے. د پاكستان ټول قوم په فلسطين كښې د اسرائيل په ظلمونو مضطرب او په احتجاج دے. فلسطين به په هره كچه د پاكستاني حكومت مرسته ولري. ده ووئيل چې د پاكستان وزيراعظم عمران خان په خپله د فلسطين د حالاتو جاج اخلي. وزيراعظم د فلسطين په مسئله پرله پسې د اسلامي رياستونو واكمنو سره په تماس كښې دے. وزيراعظم د تركيې اولس مشر رجب طيب اردوان او د سعودي ولي عهد محمد بن سلمان سره رابطه كولو سره په فلسطين كښې مسلط اسرائيلي جارحيت په نړيواله كچه د پورته كولو پخلې كړے. د فلسطين سفير احمد ربائي د پاكستاني اولس لخوا د يووالي په څرګندونه مننه وكړه او وې وئيل چې د پاكستان لخوا د يووالي څرګندونې سره مونږ خپل ځان قوي محسوس كړے. د فلسطيني سفير د شمېرو له مخې تر اوسه د مېرمنو او ماشومانو پشمول 73 فلسطينيان مړه په حق رسېدلي دي، 1500 كسان ژوبل شوي دي او 1000 كورونه تباه شوي دي. وفاقي وزير چوهدري فواد حسېن ووئيل چې قائداعظم محمد علي جناح د پاكستان- فلسطين د حكمت عملې باني دے او مونږ په دې عمل كوو. فلسطيني سفير وفاقي وزير فواد چوهدري ته د قرآن مجيد هديه وركړه. فواد چوهدري د فلسطين په سفارت كښې د يادښت په كتاب كښې د خپلې دورې او د فلسطين د اوسنيو حالاتو په اړه خپل جذبات او خيالات وليكل.
د اطلاعاتو او خپرونو وفاقي وزير فواد چوهدري سره د فلسطيني سفير ملاقات
مضمون کا ماخذ : sorteos dupla sena
متعلقہ مضامین
