اسلام آباد ۔ 25 نومبر (اے پی پی)صدر مملکت ڈاکٹر عارف علوی آکھیے جو تریمتیں تے تشدد مکاونڑ کیتے قانون تے عمل درآمد اتے سماجی تبدیلی گھن آونڑا ہوسی۔اے گالھ انہاں تریمتیں دے خلاف تشددمکاونڑ دے عالمی ڈیہھ بارے ایوان صدر اچ ہک تقریب نال خطاب کریندے آکھی۔انہاں آکھیے جو تریمتیں تے تشدد روکنڑ اتے انہاں دے جائز حقوق ڈیونڑ کتیے اخلاقیات، اسلامی تعلیمات دے نال نال مجوزہ قوانین تے عملدرآمد یقینی بنڑاونڑا ہوسی۔ انہاں ایں سانگے میڈیا دے کردار کوں اہم قرار ڈیندے آکھیا جو تریمتیں اتے بالاں تے تشدد روکنڑ کیتے میڈیا کوں آگاہی ڈیونڑی ہوسی، تریمتیں اتے بالاں تے تشدد دے حوالے نال مقدمیاں دا فیصلہ چھی مہینے دے اندرو تھیونڑا چاہیدے۔تقریب نال وفاقی وزیر برائے قانون و انصاف بیرسٹر فروغ نسیم وی خطاب کیتے۔
مضمون کا ماخذ : جیک اور بین اسٹالک
